Génesis 47:25 - Sharanahua: Diospan Tsain

²⁵ Ascaiton cumanifo, —Niaifo, min noco fasi shara hua non foni nama. Minhuunoashufin non isharaquin. Min nocohuunoa shinansharapainon. Nonfin Faraón yonomamisifo itiroquin, —ishon yoinifo.

Génesis 47:25 ပူးပေါင်းရင်းမြစ်များ

Génesis 18:3

Ascashon ato yoini, —Uhuun yorafoan. Un icanoshon tunuyoifocahuun. Un mato unu fishonon man ocho comucain ihui mata toca namanshon tunuyoshcaquin.

Génesis 32:6

Tsain fomisifo nasocashon Jacob yoinifo isca huaquin, —Min ochi Esaú man non ointani. A fu cuatrocientos nocofunufo miqui fucaniran, —huaino.

Génesis 33:15

—Shara, ushton. Ascan uhuun oinmati ranan un mia nichishoni mi fu fononfo, —huaiton. —Ma, ochin. Uncai mia fucash huaima, —ishon yoini.

Génesis 41:45

Ascashon Faraón José anu futsa tuqui huani. Zafnat-panea ahuun anu futsa tuqui huani. Ascan nocofunu ahuun anu Potifera pushu rasi ahuun anu On ano iyopaoni. Nan afin ahuun yorafo ato cufinshomisi ipaoni. Faraón yononi Potifera ahuun facu shomaya ahuun anu Asenat José inannon a fu fiananon. Ascano José Egipcio maifoti ano cahuancacaini.

Génesis 47:24

Nan man veinte trigo cuscara fiqui Faraón cuatro man inantiro. Veinte cinco fiqui Faraón man cinco inantiro, Cinco fiqui Faraón fusti man inantiro. Nansca huapacuquin man cuyotiro. Nan tushua matona itiro, Ascan mato facufoyashon man pitiroran, —ishon José ato yoini.

Génesis 47:26

Ascashon José ato yononi cuscan aton mau ano fanashon nan ato inanni cuscan huaquin nanticoinri Faraón inancointirofo. Nantianri nanscara ato yonomisi. Nan rami huanifo, nan nocon Diosiran huafiafo Dioscoin inima. Nan rami hua cufinshomisifo aton maicai Faraonna inima.

Génesis 50:20

Man ua chaca huapaini. Man ua chaca huahuunshon Diosin ua shara hua un yora ichapa numanon.

Génesis 6:19

Ascashon min shashohuan muranri nantifi yoina futsa futsatapafo yafi inafo non puiyafori funu yafi ahuin iquimahuu mato fu ninonfo.