Génesis 47:23 - Sharanahua: Diospan Tsain

²³ Chipo José nantifi Egipciofo yoini isca huaquin, —Nanscacufin un maton mairi un Faraón fishoaquin. Nunofin un fasi ushu un ayaquin man fanatiro.

Génesis 47:23 ပူးပေါင်းရင်းမြစ်များ

Génesis 41:27

Ascano nan siete moi iramannashta chaca shuni nanforifi siete fari mia yoiaquin. Nanscarifi ai nan siete fimi tsasia chaca siete fari mia yoia. Nan siete fari yorafo tushuoma iishquin.

Génesis 45:6

Fari rafu finontan yono yamai. Mucu fustiti farin cai ato yono fanafiashon tsoan aton mau anoa ahua chituyonima.

Génesis 47:22

Ascan Egipciofoan afin rami huashon uhuun diosiran huapaonifo. Aton caifo futsafo cufinshomisi ipaonifo. Nanfona fusticai José aton mai finima. Nan cufinshomisi yopaiyaifo cuscan Faraón oshutifi ato tushu inanpaoni. Nanscacucai nan cufinshomisifo ato mau fiannima.

Génesis 47:24

Nan man veinte trigo cuscara fiqui Faraón cuatro man inantiro. Veinte cinco fiqui Faraón man cinco inantiro, Cinco fiqui Faraón fusti man inantiro. Nansca huapacuquin man cuyotiro. Nan tushua matona itiro, Ascan mato facufoyashon man pitiroran, —ishon José ato yoini.

Mateo 24:45

Man tapinon un mato yoi ahuu cuscaramain oinmati shara itiroquin. Niaifocoin mai futsa ari caquin niaifo patashari yoitiro isca huaquin, “Uhuun oinmati futsafo ato tushu shafatifi inanhuun. Nanticoin rafu ato pashcananshara huahuun. Ascashon ua ato cushusharashohuun,” huafaini catiro.

2 Corintios 9:10

Diosin nantifi ushu onihuani. Ascacun yoran ushu fanatiro. Chipo Diosin ahuun yonofo foaimashotiro pisharanon. Nanscarifiai man yopai cuscan Diosin mato inanshquin. Paratama mato inantiro man unimaquin futsafori man shara huafafainon.