Génesis 47:19 - Sharanahua: Diospan Tsain

¹⁹ Noco maifoya noco fipun ahuun rafanan noco tushu inanshquin. Faraón ahuun yonomamisi non ipai. Ascatan non nocon mau ano yonoshopai nanhuunshon noco fasi ushu inannon non Faraón fanashonon mau sharacoin inon. Min noco ascahuashoainocai non naima. Ascataricai mau chaca funuima, —ishon yoinifo.

Génesis 47:19 ပူးပေါင်းရင်းမြစ်များ

Génesis 41:36

Man asca huaino nan siete fari yonofo foaima sharatian nan tushu mucuafo yora inantiro min caifo Egipciofocai fonin nashquicanimaran, —ishon José niaifo Faraón yoini.

Génesis 47:15

Natian Egipto ano yafi Canaán ano pui yamairan ishon José yoinifo, —Afanan pui yamaiquin noco fonainmayamapun. Noco tushu inanpun, —huaifoan.

Génesis 47:18

Nan fari fusti finoanno afanan Joséqui fonifo yoi focani. Yoinifo, —Niaifon, noncai mia fomantiroma. Non afanan noco ina non ayama. Nocon mai yafi nocon caya fusti non aya.

Génesis 47:20

José Egipciofoan aton mai fishoni Faraonna inon. Fonicoincaquin aton mau inannifo. Ascatan Faraón nantio mai ahuuna fusti ini.

Mateo 16:26

Ascan ratoran futsa nantifi manifoti anoafo ahuara fia ahuunacoin ifiashu amaqui naino nantifi ahuunafo funotiro. Ascashu nantifi ahuuna iyopaonifia omitsiscapanacafo muran cainocai afanan ahuashta itiroma. Ahuaracai Dios inantiroma afu ipashqui.