Génesis 46:5 - Sharanahua: Diospan Tsain

⁵ Ascano Jacob Beerseba anoashu cani. Ahuun facufo non aton shotafo non aton ahuinfo caballofo taramutiyafo nan Faraón ato inanni ato Egipcio ano iyonon.

Génesis 46:5 ပူးပေါင်းရင်းမြစ်များ

Génesis 21:14

Ascan iyoconaino funamarishta Abraham Agar tushu yafi unu fichi tutso murannoa inanni. Abraham Agar ahuun tushu yafi unu papimani aya catanon. Ahuun facu Ismael ahua Agar fu cani. Ascano nan tsoan istaipama anuni Beerseba ano cahuascaini.

Génesis 45:19

Ascatan nunoa caballo taramutiyafo ato foshotacahuun aton facufo non aton ahuinfo non aton apanya ahuun mai anoashu nuno funonfo.

Génesis 45:21

Faraón yoia cuscan Jacob ahuun facufo nanscacoinnifo. Faraón José yonoa cuscan ahuun yorafo caballo taramutiyafo inanfain tushuri ato inanni.

Génesis 45:27

Ascafia nantifi José ato yoia cuscan apa tapimafain caballo taramutiyafo furun José nan fuma cuscan oin fasi shinancoin afanan unimani.

Éxodo 10:24

Ascaino afanan Faraón Moisés yoimani ahuunoa yoishquin, Ascashon yoiquin isca huani, —Natian man catiro. Maton ainfofo non maton facufori mato fu catiro mato Ifo Diosi cufinfain ahuunoa yoisharashcaquin. Mato inafo iyoyamacahuu, —huaiton.

Éxodo 10:26

Nantifi nocon inafofin non iyoicaicain. Fustishtacai non tushu huafainicaima. Non na mai futsa ano nocoataima non tapitiroma ahuuti ina non yopatiromainquin. Ascan non mai futsa ari nocoaitian inaomashu nocon Ifoan noco yonoa cusca non atiroma. Nocon Ifo Diosin non nansca huaquin ismai non ahuun noicoinquin noco yonoa cusca non anon, —ishon Moisés Faraón yoini.

Hechos 7:15

Ascatan Jacob yafi ahuun yorafori Egipto ano fonifo. Nannoashu nocon shunifo ya nai cuyonifo.

1 Samuel 12:8

Nocon shuni Jacob Egipcio mai ano iyopaoni. Ascashu chipo nocon shuni Israelifoan nocon Ifo Diosi cufinifo ato numanon. Ascano Moisés yafi Aarón nichini Egipcio mai anoashu na mai shara anoa ato ihuunon.