Génesis 46:34 - Sharanahua: Diospan Tsain

³⁴ Man yoitiro isca huaquin, “Nonfin nocon shunifoan apaoni cusca nocon chashoanfo non cushuaran,” ishon man yoitiro. Man nanscara yoiaiton mato Faraón yoitiro Gosén ano man inon mato inafocai Egipciofoan fuchipaima. Egipciofocai chashoan cushumisifo fu ipaimaran, —ishon José ato yoini.

Génesis 46:34 ပူးပေါင်းရင်းမြစ်များ

Génesis 13:7

Ascashu pashcanantaifoma Abram ahuun ina cushumisifo yafi Lotpan ahuun ina cushumisifo fochishmanantanancain asca huan tanannifo. Nan mai anori nantia Cananeofo yafi Ferezeofo icafo ini.

Génesis 13:8

Ascacun Abram Lot yoini isca huaquin, —Upan, non fochishmanantanaincai sharama. Nocon ina cushumisifo non ato yoinon arifi fochishmanantananonfoma.

Génesis 26:20

Asca chashoan cushumisifo shatsocamun Gerar mai icano, —Na unu tsosi shara noconaran, —ishon yoinifo. Nantian Isaac ahuun chashoan cushumisifo yafi Gerar icano chasho cushumisifo achinannifo. Ascashon Isaac pozo anuni achinanforan ishon anuni.

Génesis 30:35

Nan shafatari Labán chashoanfo ano cani. Nantifi chashoan cunuya funufosi tiri futsa nichini. Ahuin cunu futsayafori tiri futsa nichini. Cahuan shara fisofori tiri futsari nichini. Ascaino Labán ahuun facufo yononi ato cushusharanon.

Génesis 34:5

Jacob man tapia ini ahuun facu Dina Siquem a fu icun. Pasto muranshon ahuun facu pushcofoan nan inafo pimaifo anoashu nocoataifomacai ato tapimayonima.

Génesis 37:12

Ascano shafa futsa José ahuun ochifo Siquem chaimashta fonifo aton apan chashoanfo fasi funununshon ato pimai focani.

Génesis 37:2

Jacob ahuun yorafohuunoa natian cunui. José ahuun fari diecisiete fariashon ahuun ochifo futan apan chashoanfo cushunifo. Ahuun ochifo ato uhua rafu Bilha yafi Zilpa. Aton apa ahuin rafu ini. Ahuun ochifo chaca hua cuscan José apaqui chanini.

Génesis 43:32

José tiri futsa pimafain ahuun yorafori acamaquishon piti futsa ato pimani. Egipciofori tiri futsari ato pimani. Nan Egipciofoan Hebreofo futan pitirofoma ini. —Non nafo futan piashu fasi chaca itiroran, —ishon Egipciofoan nannori shinannifo.

Génesis 45:10

Min non min facufo non min funafori man u fu chaimashta itiro. Nan man icai ano mai ahuun anu Gosen. Min inafo non nantifi min aya cuscan min nuno futiro.

Génesis 46:32

Nantifi ato inafoya man fuafo. Nanfoan ato yonofin chashoanfo cushufain moifo cushumisifoquin,” ishon un Faraón yoicai.

Génesis 47:11

Ascashon José apa Egipcio mai shara inanni nanno ipashanon. Faraón yonoano inanni. Ascano apa futan ahuun yorafoan mai ficashon aton mai anunifo Ramsésran huanifo.

Génesis 47:3

Ascano Faraón ato yocani, —¿Ahua man yonomisimun? —ishon ato yocaiton. Cumanifo, —Niaifon, nocon shunifo yonopaoni cuscan norifin non chashoan cushumisi.

Génesis 47:4

Nonfin min oinmatifo. Nocon mai Canaán ari non tushuomacoin. Ascan non min mai ano oa nuno iyoshquin. Canaán mai ano fasi yamai nocon inafo pimashquin. Ascan min mai Gosén ano noco imapun non mi fu inon, —ishon yoinifo.

Génesis 47:6

Afin catontirofo ranimain nuno Egipcio mai sharaquin ano iishcaquin. Gosén mai ano itirofo. Nannofin mai sharaquin nanno ipashanonfo. Min yora futsafin tapisharacoinquin ua uhuun moifo cushushotiroquin, —ishon Faraón José yoini.

Éxodo 8:22

Ascafia nan uhuun yora Israelifo Gosén mai ano icafoanno cai napu fustishta ishquima. Ascano min tapitiro unfin ato Ifo Diosiquin un nuno min mai ano ica uhuun yorafo cushushquin.

Éxodo 8:26

—Ascaracai sharama. Nocon Ifo Diosi noco yonoa cusca non inafo rutushonai cuscacai min yorafoan oinpaitiroma. Nanfoanfin inafo noicaniquin. Ascacun non inafo rutuaiton oinquin noco toquirinin tsacatirofo non naanon.