Génesis 46:1 - Sharanahua: Diospan Tsain

¹ Ascatan Jacob ahuun anu futsan Israel nan ipaoni anoashu nantifi ahuun ahuara ipaonifoya Egipto ari fonifo. Beerseba pushu rasi ano nocoshon Upa Diosi cufini nan yoia cuscan aashquin.

Génesis 46:1 ပူးပေါင်းရင်းမြစ်များ

Génesis 12:8

Ascatan nannoashu cai pushu rasi Betel ano noconi. Nanno fari oaiquiri machi ichaparasi ini. Nannori ahuun pano pushu pochini. Ascano Betel pushu rasi faricaiquiri icano pushu rasi futsafoan ahuun anu Hai fari oaiquiri ini. Ascashon nannori afanan Abram toquiri putsainishon Ifo Diosi ahuun anuhuunshon cufinni isca huaquin, —Uhuun Ifo Diosiran, —ishon Abram yoini.

Génesis 21:14

Ascan iyoconaino funamarishta Abraham Agar tushu yafi unu fichi tutso murannoa inanni. Abraham Agar ahuun tushu yafi unu papimani aya catanon. Ahuun facu Ismael ahua Agar fu cani. Ascano nan tsoan istaipama anuni Beerseba ano cahuascaini.

Génesis 21:31

Ascatan nannoashu Abraham yafi Abimelec yoinansharanifo nanscacoin aashcaquin. Ascashon a mai anuni Beersebaran, ishon anumisifo.

Génesis 21:33

Ascano nantia Beerseba ano Abraham nituyoni nii cuyamamishti ahuun anu tamarisco fanani. Nannoshon nocon Ifo Diosi nan nipanaca Abraham cufinni.

Génesis 22:13

Ascatan Abraham oinquin oian chashoan mashoya ihuiqui futamua oinni. Ascashon nan chashohuan fini rutushquin toquiri putsamuinia camaquishon coashquin Upa Diosi tanashara cuscan ismashquin. Ascan ahuun furun rututamarocon chashohuan rutuni.

Génesis 28:10

Ascatan Jacob Beerseba anoashu Harán fain cani.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 31:42

Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.

Génesis 31:53

Min shota Abraham yafi uhuun shota Nacor aton Diosin noco oin. Nanton noco oin non shara huatanainton, —ishon Labán yoini. Jacob cumani isca huaquin, —Uhuun upa Isaac Upa Diosi nicacoinmisi. Urifi Diosihuunoashu mian yoiai cuscan un aicai, —ishon Jacob yoini.

Génesis 33:20

Pushu huatan toquiri putsainini anoshon nocon Ifo Diosin cufinshquin. Nannori anuni El-Elohe-Israel.

Génesis 35:3

Man ascahuano non Betel ari cai. Un omitsiscanitian un Upa Diosi cufinni. Un cufiain cuscan ua nicaquin ua numani. Un anoashu caacun ua cushusharani. Ascan nanno un toquiri putsashquin anoshon afanan Upa Dios cufinshquinran, —ishon ato yoini.

Génesis 35:7

Betel ano nocoshon Jacob toquiri putsainini anoshon Diosi cufinshquin. Nan mai ano anuni El-Betel. Nannoashu ahuun ochiqui ichoaino aqui Diosin noconi.

Génesis 4:4

Nantiari Abel ahuun chashoan facu cain taua sharashtacoin nocon Ifo inanni. Ascashon Abel inan cuscan oin nocon Ifo Diosin aqui unimacoinni.

Génesis 45:28

Ascashon Jacob yoini isca huaquin, —Natian mun icoinra huai uhuun facu José man nia. Un nataima un oinyoicairan, —ishon yoini.

Génesis 8:20

Ascano shashohuan murannoashu cainta Noé toquirifo putsainiqui acamaquishon ina rututi huani Diosi inanshquin. Diosin ato numa cuscan ismashquin. Aqui fasi unimacoinquin Noé nansca huani. Yoinafo yafi nan inafo non puiyafori nan piatio cuscan futsa futsatapafo fusti rasi rutuni toquirifo putsamuinia camaquishon coanifo Diosi ismashquin.

Hechos 7:15

Ascatan Jacob yafi ahuun yorafori Egipto ano fonifo. Nannoashu nocon shunifo ya nai cuyonifo.

Josué 24:4

Ascatari un Isaac furun rafu inanni Jacob yafi Esaú. Un mai machifo ahuun anu Seir Esaú inanni. Ascafiano Jacob fu ahuun furunfo Egipcio mai ari fonifo.

1 Samuel 3:20

Ascano nantifi Israeli maifoti icafoan yoinifo isca huaquin, —Samuel Dioshuunshon noco yoimisi. Noco yoimisi cuscan huamisiran, —ishon ahuunoa yoinifo.

1 Samuel 8:2

Samuel ahuun facu iyoa ahuun anu Joel. Chipocuton ahuun anu Abías. Nan rafutan pushu rasi Beerseba ano ato yononifo.