Génesis 45:3 - Sharanahua: Diospan Tsain

³ Ascatan José ahuun yorafo yoini isca huaquin, —Unfin Joséquin. ¿Uhuun upa afin niamun? —ishon ato yocaino ahuun yorafo nicain fasi ratucoincani tsoa puusinima.

Génesis 45:3 ပူးပေါင်းရင်းမြစ်များ

Génesis 37:20

Nocotanaiton rututan non pozonoa muran potanon. Ascashon non yoinon masharonun man piaran non huanon. Non tapinon ahuun namapan ahuuscaimancai, —icashu yoinannifo.

Génesis 42:21

Ascatan afi ranan yoinannifo, —Nocon ushto José non chaca huanihuunshon natian Diosin noco onaintimai. Man non ahuun fuso oinni nocomaquinoashu cai omitsiscani. Noco yoini, “Ochin, ua mai futsa ari nichiyamacapun. Ua shinancapun un nanonma,” ishon uaiyanan noco yoini. Ascafia non ahuun ramapainima. Ascan natian ahuunoashu norifi non omitsiscairan, —icashu yoinannifo.

Génesis 42:22

Ascaifoan Rubén ato yoini, —Mun mato yoini nocon ushto chaca huayamacahuun. Ascafia man ua nicacasmani. Natian non namani cuscan nocohuun nuucun nocon Diosin nocori onaintimairan, —ishon ato yoini.

Génesis 43:27

Ascatan José ato yocani isca huaquin, —¿Man sharamun? ¿Maton upa anifoshta man ua ahuunoa ua yoini arifi sharamun? ¿Aafin niamun? —ishon ato yocaiton.

Lucas 5:8

Nan Simón Pedro futan nushumisi rafu Santiago yafi Juan Zebedeo facu rafu inifo. Nan rafu non fustifain nushumisicoinfo. Ascaiton ato futan nushumisi futsafoanri shasho rafu fospicoian oincani mustairicatan yoinifo. —¡Oincapon! ¿Ahuuscashomun shiman ichaparasi fiafoquin? —icashu atoqui yoinannifo. Ascaiton oin Pedronun shasho naquishon Jesús ratoconun mai chachishon yoini, —¡Ohua! Ifon ufin nocofunu chacaquin. Asca minfin sharacoinquin. Chaca yafi sharacai ositiroma. Ascacun umaquinoashu catapun, —Pedronun huaiton. Jesús cumaquin, —Ratuyamahuu. Min shafatifi nushumisifiashon natian min uhuun Yoshin Sharahuunshon uqui yorafo ihuushqui ua icoinra huanonfo, —ishon Jesús Pedro yoini.

Hechos 7:13

Asca huatan chipo afanan Egipto ano fonifo tushu ficani. Nantianri José ahuun ochifo futan chipocuton onannifoma. Onainyamafiaifoan “Uquian, José un maton ushto,” ishon ato yoini. Ascatan Egipciofo aton niaifo Faraón arifi José ahuun yorafohuunoa nicani.

Hechos 9:5

—Ifon, ¿Minmun tsoaquin? —ishon yocaiton. —Unquian Jesús. Mian omitsisca huai.

Apocalipsis 1:7

“Shinancapon. Nocon Ifo Jesús cooin camaqui afanan oaiton nantifi yorafo niafo futan namisifoanri oinshquicani. Nan mastamisifoanri oinshquin. Ascashu nocoaiton nantifi manifotifain ratucaquin yoishcani isca huaquin, ‘¡Ohuashta! Diospan Furun Jesús non chaca huamisishaquin non aqui ratucoinran,’ ishon yoishquicani. Nanscafin aashquiquin. ¡Amen!”