Génesis 45:15 - Sharanahua: Diospan Tsain

¹⁵ José nantifi ahuun yorafo icoancufoan uaiquipacuni. Ascatan ahuun yorafoya tsain shara yoinonannifo.

Génesis 45:15 ပူးပေါင်းရင်းမြစ်များ

Génesis 29:11

Ascashon Jacob Raquel tamoqui tsoayanan fasi uaicoinni.

Génesis 29:13

Nicatan Labán Jacob ahuun pia aqui ichoni unimai. Icoacufoan tamo tsoacatan ahuun pushu ano iyoni. Pushu muran nocotan Jacob ahuunoa ato tapimani.

Génesis 33:4

Ascashon ofiaiton Esaú aqui ichotan icoancufoan tamoqui tsoatoshini. Ascatan uaiquinantanannifo.

Génesis 42:24

Ascano José atomaquinoashu chaimashta catan oinyamaifoanno uaini. Ascatan afanan ato yoiyoi oni. Ato ointaifin aton yora Simeón munushmani afanan cunu muran iquinon.

Génesis 45:14

Nannori ato yoitan ahuun ushto Benjamín icoancufoan uaini. Benjamín arifi ahuun ochi icoanshu uaini.

Génesis 45:16

Ascan José ahuun pushu ano ahuun yorafo nocoafono futsafo niaifo Faraonqui chaninifo. Nicacanashu Faraón yafi niaifo patasharinoafori unimanifo.

Génesis 45:2

Ato onanmatan fasi uaini. Uaicaiton Egipciofoan nicanifo. Ascano niaifo Faraón pushu murannoafoanri nicacani aqui chaninifo.

Génesis 46:29

Ascano José yononi ahuun caballo taramutiya itishara huashononfo apaqui nocoi canon. Apaqui nocotan icoacufoantan uaiquicai funa ununima.

Éxodo 4:27

Ascano nantianri nocon Ifo Diosin Aarón yoini isca huaquin, —Min ushto Moisés tsoa istaipama miqui oiquin aqui nocotahuun, —ishon Diosin Aarón yononi. Ascano nan machi anumisifo Diosin ahuun machiran, huamisifoanno. Nanno Moisésqui Aarón noconi. Nocotan fasi chipocuquin unimacoinquin ahuun tamoqui tsoani.

Lucas 15:20

Nannori shinantan apa ari cani. Ascashu caiton chai cunoa apan ahuun facu fuchini. Fuchitan fasi ahuun ramapaicoin aqui ichoni. Aqui nocoshon icoacufoan tsoatoshini.

Hechos 20:37

Cufincatan uaiyanan Pablo icoacufoannifo.

1 Samuel 10:1

Ascano Samuel shuni motica fiitan Saúl ahuun mapoqui ocafain tamo tsoani. Ascashon Samuel Saúl yoini isca huaquin, —Natian nocon Ifo Diosin mia catoan min yora Israelifoan noco niaifo min inon.

1 Samuel 20:41

Ascan facu caiton David toquiri putsamuinia ano ocuma futsa onu ano Jonatánqui nocoshon David maiqui fuoshopacucahuan rafu non fusti ashoni. Asca huatan icononancunfoancatan uaiquitanannifo. Nan rafu uaicaifono David uaiqui finacoinni.