Génesis 44:18 - Sharanahua: Diospan Tsain

¹⁸ Nicatan Judá aqui chaimashta cashon yoini, —Niaifon, ua nicapun. Min Faraón niaifo cuscararifiashu un mia yoiai cuscan uqui sinayamapun.

Génesis 44:18 ပူးပေါင်းရင်းမြစ်များ

Génesis 18:30

—Ifon, uqui sinayamahuu un afanan mia yocanon. Min fuchitiroraca treinta yora shara min yonoa cuscan huamisifo nanno, —huaiton. —Un treinta yora un yonoa cuscan huamisifo fuchishoncai un Sodoma cuyoimaran, —huaiton.

Génesis 18:32

—Ifon, uqui sinayamahuu un fustishta afanan mia yocanon. ¿Min mucu rafuti yorafo min yonoa cuscan huamisifo fuchishonmun min nantifi cuyoiqui? —huaiton. —Ma. Un mucu rafuti yorafo un yonoa cuscan huamisifo fuchishoncai nanfohuunshon un Sodoma yafi Gomorra anoafo un ato ahuusca huaimaran, —ishon nocon Ifoan Abraham yoini.

Génesis 37:6

Ato yoini isca huaquin, —Ua nicacahuun ua namapan yoia cuscan un mato yoinon.

Génesis 37:7

Non nantifi mau muran yonoi arroz cuscaran tashtui. Uhuunna fusti cayacafi niano matona fonhuinfafainaran, —ishon José ato yoini.

Génesis 37:8

Nannori ato yoiaiton nicacaquin iyoa rananun cumanifo, —¿Minmun nocon niaifo iishquicai noco yonoshquin? —ishon yoinifo. Fasicoin noicasmacoinnifo ahuun namapan ato yoiai cuscan nicacani.

Génesis 41:40

Ascacun un mia catoin min nantifi uhuun caifo Egipciofo ato yonotiro min ato yoiai cuscan anonfo. Uhuun pushu anori min uhuun yonomatifo aton niaifo inon. Urus fusti mia finoinran, —ishon Faraón José yoini.

Génesis 41:44

Ascano Faraón José yoini isca huaquin, —Unfin Faraonquin. Tsoa futsacai ua finoanma. Ascafia min uhuun yorafo aton niaifocoin. Min ato yonoyamainocai tsoa ahuusca huatiromaran, —ishon Faraón José yoini.

Génesis 44:17

Nannori huaiton José cumani isca huaquin, —Ma. Uncai ascapacunacama. Uhuun cucho ahuun forusa murannoa fuchia naan fusti uhuun yonomati iishquin. Ascan manfin natian mato upaqui man nasosharaicain, —ishon yoiaiton.

Éxodo 32:22

Aarón cumani, —Ushton, sinayamapun. Man min tapian na nocon caifoan samamashta chaca huatirofo.

Daniel 3:15

Un afanan mato yoi fusti. Nan nocofunu ointsa cuyamasoa un oro rami huahuunoa man manutifo nicaquin ahuun ointaifin man maiqui fuoshopacucahuantiro. Man ascashonaino shara itiro. Mato ahuusca huaima. Ascan un yonoa cuscan afanan man ayamaiton un samamashta mato chii urumanhuan muran mato potamashquin. Un mato asca huaiton rato diosi futsacai mato numatiroma un mato namanonmaran, —ishon niaifoan yoiaiton.

Daniel 5:19

Ifo Diosin min shuni imai cuscan oincani nantifi manifoti anoafo tsain futsa futsatapafoya aqui ratucoinnifo. Min shuni Nabucodonosor nan yora rutupaiyai ato rutuni. Nan yora nimapaiyai ato rutunima. Nan niaifo patasharinoa imapaiyai ato niaifo imani. Futsahuunoa niaifoan yoini, “Mincai ahuamaran,” ishon niaifoan yoiaino futsafoanri shinanni aacai ahuama. Ascan nocofunu futsahuunoa niaifoan yoisharaino ahuun yorafoanri ahuunoa yoisharanifo. Min shuni Nabucodonosor nantifi iquinan tsoa futsacai a cuscarama.

Juan 5:22

Upa Diosin uhuunoa nan yorafoti shinansharamapai unfin ahuun Facuquin. Nanhuunoa yorafoan shinansharamisifo cuscarifi uhuunoari ato shinansharamapai. Ascan Upa Diosin afincai yoima ratocaimain afu ipatiro iyamarai ratofomain faquish muran omitsiscapanacaquin. Ua yononi. “Min yorafoti yoitiro ratofomain ufu nipayamarai faquish muran omitsiscapanacaquin,” ishon ua yononi. Nannori ua yononi. Upa Diosin nicapai uhuunoa shara yoiaifoan. Ua nichini. Ascan tsoan “Min Diospan Facu Shararan,” ishon ua yoicasmaiton Upa Diosihuunoari yoisharama.

Hechos 2:29

Uhuun yoramishtichin, un tapicoian cuscan mato yoi. Nocon shuni David nani. Man maifiani nanno natianri non ointiro.