Génesis 43:23 - Sharanahua: Diospan Tsain

²³ Nicatan pushu cushumisiton ato yoini, —Nanscanon. Ratuyamacahuun. Maton Diosifin maton upa ahuun Diosiri yononi mato pui afanan maton forusa muran nanunon. Mun tapia man ua pui inanni tushu fiishquin, —ishon ato yoini. Yoiquin anaititan atoqui Simeón ihuuni.

Génesis 43:23 ပူးပေါင်းရင်းမြစ်များ

Génesis 42:24

Ascano José atomaquinoashu chaimashta catan oinyamaifoanno uaini. Ascatan afanan ato yoiyoi oni. Ato ointaifin aton yora Simeón munushmani afanan cunu muran iquinon.

Génesis 42:28

—Oincapon. Uhuun pui ua nasoan. Nuno uhuun forusa muranoa un fuchia, —ishon ato yoini. Nicacani mustairinifo fasi ratucoincain yoinannifo, —¡Ohuashta! ¿Diosin noco ahuusca huamun? —icashu yoinannifo.

Génesis 42:36

Jacob furufo yoiquin isca huani, —Man uhuun facu rafu umaquinoa iyoa un afanan ato oinonma. Trece faricai un afanan José oianma. Natian Simeón arifi yamai. Ascashori Benjamín umaquinoa man mai futsa ari iyopai. Nan finoanfo cuscan ua fasi omitsiscamamisiforan, —ishon Jacob furufo yoini.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Génesis 43:22

Paratama puiri non mato fushoa afanan tushu fiishquin. Ratoran futsan noco pui afanan noco forusafo muran nanuni non tapiamaran, —ishon yoiaifoan.

Lucas 10:5

Pushu futsa muran iquishon ato yoicahuun, “Diosin mato shara huacoinnon. Isharacahuun,” ishon ato yoicahuun.

Lucas 24:36

Nan yoiriaifo muran Jesús afanan atoqui niriscatani. Ascashon ato yoini, —Maton ointi unimacain isharacoincahuun, —ato huani.

Juan 14:27

Un matomaquinoashu cafiaquin un maton ointi mato unimamashquin man isharanon. Icoinra huafoanmacai maton ointi mato unimamatiroma mato imasharanon. Mato anori yoifiaquin ipaitsi mato yoi. Uncai ato cuscarama un mato icon yoi. Ascacun shinanchacayamafain ratuyamacahuun.

Juan 20:19

Asca huatan tunutitian iyoconaino man fari caino non afu rafumisifoan nocon niaifofoqui musuquin non cunu fupoti futaonshacanashu non ichanan ano noco nushmancayan Jesús niriscatani. Ascaiton noco yoiquin, —Maton ointi fucashcaquima isharacahuun —ishon noco yoini.

Juan 20:21

Afanan Jesús noco yoiquin, —Maton ointi fucashcaquima isharacahuun. Nan uhuun Upan ua nichini cuscan huafain natian un matorifi nichiran, —ishon yoini.

Juan 20:26

Asca huatan ocho osha finontan non afanan cunu muran ichananfono Tomasrifi nanno no fu ini. Cunu fupoti futaonshacafono afanan Jesús nocoqui niriscatani. Ascashon afanan noco yoiquin, —Maton ointi fucashcaquima isharacahuun, —huatan.