Génesis 43:21 - Sharanahua: Diospan Tsain

²¹ Ascafia non nasoaino oshaquin man non forusa murannoa pui fuchia. Nan non inanti cuscan nanticoinri nocon forusa muran ratoran futsanraca nanua. Man non nantiri afanan mato fushoa.

Génesis 43:21 ပူးပေါင်းရင်းမြစ်များ

Génesis 43:12

Pui paratamari fotacahuun mato forusa murannoa man fuchini cuscan nasoshcaquin. Ascan tsoanraca tapiama maton forusa muran pui afanan nanushofiaquin. Manraca ointiaquimana.

Génesis 43:15

Ascatan ahuun facufoan ahuarafo cashman foshofain pui paratamacoinri foshonifo. Aton ushto Benjamínri iyonifo. Ascan Egipcio mai ano focani Joséqui noconifo.

Génesis 43:20

—Niaifo, noco nicapun. Non nuno oitauni tushu fiiyoi. Nocon pui non inan ahuun rafanan tushu fiishquin.

Génesis 43:22

Paratama puiri non mato fushoa afanan tushu fiishquin. Ratoran futsan noco pui afanan noco forusafo muran nanuni non tapiamaran, —ishon yoiaifoan.

Génesis 44:8

¿Min shinainmamun nocon mai Canaán anoshon maton pui non fuchia nocon forusafo murannoa non mato nasoa? ¿Ascan ahuuscaquimun min niaifoan pushu murannoa ahuun cucho non onutiroquin?

Romanos 12:17

Mato chaca huafiainfoan ato copiyamacahuun. Aton ointaifi isharacahuun.

Romanos 13:8

Tsoa nifiyamacahuun. Ascatama noinancahuun. Noinain unuyamacahuun. Nantifi non noiquin Upa Diosin yononi cuscacoin non huatiro.

Hebreos 13:18

Nocori Upa Dios cufishocahuun. Diosin noco amapaiyai cuscacoin man non huamisiquin. Ascashocai nocon nomuran non ahua chaca shinainma. Non isharapai fusti.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.

1 Pedro 2:12

Ascacun ato murannoashu Jesushuunoashu icoinsharacahuun. Nan man niyoano matohuunoa tsain chaca yoifiamisifo chipo Diosin nantifi noco ichanan huaitian nanfoan tapitirofo mancai ahua chaca huatama man icoinsharamisi. Ascashon yoitiro isca huaquin, —¡Aicho! Nanfoan Dioshuunshon futsafo shara huashomisi. Ascacun Dios sharacoinran, —ishon yoishquicani.

1 Pedro 3:16

Ascashon ato oi noma cumasharacahuun. Ato fu fochishmanantananquima ato nicacoinsharacahuun. Man ahuara chaca huaa cuscan man fomainno mancai futsafo Jesushuunoa cayacafi yoitiroma. Ascashon man chaca huashon Dios yoiriscacahuun Jesushuunoa yoisharashcaquin. Mato chaca huafiacanashu man isharaiton oinfin rafipaitirofoquin.