Génesis 43:14 - Sharanahua: Diospan Tsain

¹⁴ Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Génesis 43:14 ပူးပေါင်းရင်းမြစ်များ

Génesis 17:1

Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin, —Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima.

Génesis 22:14

Ascashon nanno anuni, —Non yopai cuscan Upa Diosin noco inanshquiran, —ishon anuni. Nantianri yoicani, —Nan machi Diosi ica arishon non yopai cuscan noco inantiroran, —ishon yoimisifo.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 35:11

—Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 42:24

Ascano José atomaquinoashu chaimashta catan oinyamaifoanno uaini. Ascatan afanan ato yoiyoi oni. Ato ointaifin aton yora Simeón munushmani afanan cunu muran iquinon.

Génesis 42:36

Jacob furufo yoiquin isca huani, —Man uhuun facu rafu umaquinoa iyoa un afanan ato oinonma. Trece faricai un afanan José oianma. Natian Simeón arifi yamai. Ascashori Benjamín umaquinoa man mai futsa ari iyopai. Nan finoanfo cuscan ua fasi omitsiscamamisiforan, —ishon Jacob furufo yoini.

Génesis 43:13

Maton ushtori nan nocofunu niaifoqui iyotacahuun.

Génesis 44:12

Ascashon José ahuun pushu cushumisiton aton forusa muran funapacuni. Tau huaquin iyoaton ahuun forusa muran funafain futsafonari oinpacuni. Ahuun unutaqui nan chipocun Benjamín ahuun forusa muran funaquin fuchini.

Lucas 1:50

Ascan ratoran futsan Dioshuunoa nicaquin ahuunoa shinansharafafainai. Nan cuscara yorafohuun Diosin ramapaipacunaca.

Juan 19:22

—Un cunumana cuscan nannoricoin un cunua. Uncai ahua futsan afanan tuqui huaimaran, —ishon Pilaton ato cumani.

Hechos 21:14

Noco nicayamaitocai non afanan ahua yoitiroma. —Nocon Ifoan mia amapaiyai cuscan min huatiroran, —ishon non yoini.

Hechos 7:10

José omitsiscafiaiton Upa Diosin numani ahuun nomuran shinansharamani. Ascano Egipcio niaifoan Faraón fasi José fuchipaipaoni. “Min niaifo patashari itiro. Nantifi uhuun yorafo non uhuun caifo min ato nantifi yonotiroran,” ishon Egipcio niaifoan José yoini.

1 Timoteo 1:16

Ascacun uhuunshon Upa Diosin nantifi yora ismatiro nan chaca finacaia ahuun chaca soashotiro afu ipanon. Isca huaquin shinantirofo, —Shinancapon, Pablonun fasi chaca huapaonifiacun Jesucristo fasi Pablo noiquin. Jesús uarifi noitiro. Pablo numaquifin uarifi numatiroquin un afu nipanon, —icashon shinantirofo.

1 Timoteo 1:2

Ascano un mia Jesucristohuunoa yoiaiton min icoinra huani. Ascacun min icoinra huahuunshon min uhuun facu cuscaracoin. Un mihuun fasi noi. Nocon Upa Diosin futan nocon Ifo Cristo Jesús mia noiquin mia cushusharafain mihuunrifi ramapaia. Ascashon min ointi mia main huamanon.

Tito 1:4

Tito, un mia nocon Ifo Jesucristo icoinra huamani cuscan min Jesús icoinra huashu min uhuun facu cuscaracoin. Un Jesús icoinra huaa cuscan mirifi min nansca huani. Ascacun nocon Upa Diosin futan nocon Numamisi Jesucristo mihuun ramapaicain mia nomuran unimamanon.

2 Juan 1:3

Upa Diosin Furun Jesucristo futan iconquin nocohuun noi. Ascan noco cashman shara huafain nocohuun ramapaicain nocon nomuran shinanmashara nocon nomuran non unimacoinon.