Génesis 43:12 - Sharanahua: Diospan Tsain

¹² Pui paratamari fotacahuun mato forusa murannoa man fuchini cuscan nasoshcaquin. Ascan tsoanraca tapiama maton forusa muran pui afanan nanushofiaquin. Manraca ointiaquimana.

Génesis 43:12 ပူးပေါင်းရင်းမြစ်များ

Génesis 42:25

Asca huatan José ahuun oinmatifo yononi ahuun ochifoan aton forusafo tushu fospi huashononfo. Nan tushufo puihuushon fini. Ascano oinyamaifoanno afanan ato forusa muran aton pui José ahuun oinmatinin nanushopacuni. Ascan José ahuun yonomati yoini isca huaquin, —Ahuunnoashu foaifo yopai cuscan ato inanhuun, —ishon José ahuun yonomati yononi. Nan yonoai cuscan huashoni.

Génesis 42:35

Nannori yoiyanan aton forusafo murannoa ahuarafo napupacunifo. Napupacucaquin oianfo aton forusa muran aton pui futsan afanan ato nanushona. Oincani apa fu fasi ratucoinnifo.

Génesis 43:13

Maton ushtori nan nocofunu niaifoqui iyotacahuun.

Génesis 43:21

Ascafia non nasoaino oshaquin man non forusa murannoa pui fuchia. Nan non inanti cuscan nanticoinri nocon forusa muran ratoran futsanraca nanua. Man non nantiri afanan mato fushoa.

Génesis 43:22

Paratama puiri non mato fushoa afanan tushu fiishquin. Ratoran futsan noco pui afanan noco forusafo muran nanuni non tapiamaran, —ishon yoiaifoan.

Romanos 12:17

Mato chaca huafiainfoan ato copiyamacahuun. Aton ointaifi isharacahuun.

Romanos 13:8

Tsoa nifiyamacahuun. Ascatama noinancahuun. Noinain unuyamacahuun. Nantifi non noiquin Upa Diosin yononi cuscacoin non huatiro.

Filipenses 4:8

Ascano uhuun yoramishtichin mun cunuquin anaiticuana. Un afanan mato yoi futsapai. Ahuara icon fusti shinanfain ahuara sharafosi shinanfain ahuara cayacafi fusti shinanfain ahuara noco shinanmasharatiro nan fustiri shinanfain ahuara yorafoan shara huaifo cuscan shinanfain Diosin noco ashoain cuscan nanfo fusti shinansharafafaincahuun. Ascashon nocon Ifo —¡Aichoran! —huacahuun.

1 Tesalonicenses 4:6

Nannori Upa Diosin yononi, —Futsafoan aton ahuin fu ipaiyamacahuun. Tsoa fomanyamacahuun futsan ahuin fu ishquin, —ishon Diosin yononi. Ascan non mato yosini cuscan tsoa ascayamaquin chaca huaiton Upa Diosin ato onaintimacoin.

1 Tesalonicenses 5:21

Ahuara futsan mato yosipaiyaiton Diospan Yoshin Sharahuunshon a yocacahuun nan tsain yoiai cuscamain icon iyamarai iconmaquin. Ascano nan tsain icon fusti tanasharacahuun. Tsain iconma icoinra huayamacahuun.

Hebreos 13:8

Ascashu Jesucristo ipaoni cuscan natian icai cuscan yafi ishquiai cuscari nancai fianananpacunacama. Nanscasipacunaca.