Génesis 43:11 - Sharanahua: Diospan Tsain

¹¹ Nannori huaiton nicatan apan Israel ahuun facufo yoini isca huaquin, —Noncai ahuara futsa huatiroma. Noco mau anoa yono fasi shara maton forusafo muran fospi huacahuun nan nocofunu niaifo Egipcio anoa foshotashcaquin cashman inantacahuun. Bálsamo shara fofain fona shara fofain ininti futsa futsatapafo shara fofain fimi sharafori foshotacahuun.

Génesis 43:11 ပူးပေါင်းရင်းမြစ်များ

Génesis 33:10

—Ma, ochishtan. Min uhuunoa shinansharaquin un mia inanpaiyai cuscan fihuun. Min uqui unimacoian. Ascacun un min fuso oinquifin nan Diosincoin ointsa un mia oincai.

Génesis 37:25

Asca huatan tsaoshon pinifo. Nan piyanan oianfo Ismaelitafo camello camaqui tsaoashu funifo. Ininti fufain inin futsa cuscara ahuun anu bálsamo fufain ininti futsa ahuun anu mirra Egipto ari inanmitsai fonifo.

Génesis 43:10

Non cayamuafin shara icuanaquin. Man oshu ichapa finonfiashucai non camisima. Non cariscayamuafin shara icuanaquin. Man nonfin ari cai rafua icuanaquin tushu fiishquin, —ishon Judá apa yoini.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Génesis 43:15

Ascatan ahuun facufoan ahuarafo cashman foshofain pui paratamacoinri foshonifo. Aton ushto Benjamínri iyonifo. Ascan Egipcio mai ano focani Joséqui noconifo.

Génesis 43:25

Ascashon José mananifo pushu muranshon fari masafinin racano a futan piishcaquin. Ascatan José ahuarafo cashman inanshcaquin itishara huanifo.

Génesis 43:26

Ascacun José pushu ano nocoaiton nan fushoafo cuscan José inancoinnifo. Inancoincatan fuoshopacufoannifo.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Hechos 21:14

Noco nicayamaitocai non afanan ahua yoitiroma. —Nocon Ifoan mia amapaiyai cuscan min huatiroran, —ishon non yoini.

1 Samuel 9:7

—¿Non nan nocofunu ano cashomun non ahua inantiroquin? Man nocon tushu cuyoa. Noncai ahuara futsa ayama non cashman inancoinpanan, —ishon cumani.