Génesis 42:9 - Sharanahua: Diospan Tsain

⁹ Nantian atohuunoa namani cuscan José shinanni. Ato yoiquin isca huani, —Mancai tushu fipai fuama. Ascatamarocon noco mai fianpai man fua. Ascashu chipo afanan ahuuscashoma noco mai curushcain fianpai man fuushquin, —ato huani.

Génesis 42:9 ပူးပေါင်းရင်းမြစ်များ

Génesis 37:11

Ahuun ochi iyoafofo fasi aqui sinanifo ato niaifo ishquiai nicacanashu. Ascafiaino apan fasi shinanpaini.

Génesis 42:16

Manfin ratora fusti catontiro mato mai anoa ushto ihuicai. Ascano nan man nituafo man cunu muran iyotiro mato ushto oai chain. Ascano un tapitiro man ua yoia cusca icon iyamarai iconmaquin. Nocon niaifo Faraón icon nia cuscan, urifi icon un mato yoiran, —ishon José ato yoini.

Génesis 42:34

Nan man nuno nasoaitian mato ushtori ua ihuushocahuun. Man asca huaiton un tapitiro man nocona fipai oama. Ascacun un tapitiro icon man yora shara. Un anori tapiaitian un mato yora afanan matoqui caimashquin man nuno isharatiro man yopai cuscan man fitiro,” —ishon noco yoia.

Éxodo 32:35

Ascano chipo nocon Ifo Diosin ato pau isincoin fuchimani. Moi cahua shara ointsa Aarón rami huacun nocon diosiran ishon yoiaifoan. Nanscacun ato pau isininpacoin fuchimani.

Números 13:2

—Un min caifo mai inain ahuun anu Canaán. Nanri nocofunufo nichihuun nan mai oinsharayotanonfo. Nan icafo manifoti nocofunu niaifo fusti rasi ato catonhuun. Ascashon ato nichihuun, —ishon nocon Ifo Diosin Moisés yoini.

Lucas 20:20

Ascacun nan fuparamitsamisifo Jesús fu foanfafainmisifo ahuun tsain nicapaicani ahuarashta amaquiri yoiaiton ato niaifoqui chanishcaquin Jesús achinonfo. Asca nanfo Jesusqui nichinifo cuncun huaqui yocatanonfo.

Hebreos 11:31

Ascan nantifi Jericó anoafo nai futsunifo. Ascafia nan Rahab ainfo furoma fusti ahuun yorafoya nanima. Ahuun caifoancai Dios icoinra huanifoma. Arus fusti Dios icoinra huacoinni. Ascan Jericó anoafoan aton toquiri cunu paoincataima. Israelifoan ato niaifo Josué onanti huamisi rafu Jericó ano ato nichini atohuunoa tapishquin. Nan onanti huanmisi rafu Rahab ahuun pushu muran ato iquimani ato shara huaquin. Ascacucai ahuun caifo rutucaquin Rahab rutunifoma.

Josué 2:1

Ascano Josué Israelifo Sitim mai ano nocofunu rafu nichini. Ato yoini isca huaquin, —Unu Jordán ocuma futsa pocufaintacahuun ahuu cuscaramain nan maiquin oinsharatacahuun noco tapimashcaquin. Man Israelifoquin tsoashta tapimayamacahuun. Nan pushu rasi Jericó anoafo oinsharacoincahuun, —ishon Josué ato yononi. Nicacatan nan rafu Sitim anoashu focani Jericó ano noconifo. Nanno ainfo furoma ahuun anu Rahab ahuun pushu muran oshanifo.

Josué 6:23

Nan Josué yoia cuscan nan nocofunu rafu Rahab pushu muran iquini. Nan non ahuun apa non ahua non ahuun ochifo non ahuun ushtofo nan ahuun yorafoya ato chifi cainmani. Israelifo icafoanno pasoato ato nichinifo.

1 Samuel 26:4

Ascan ahuun yora futsafo nichini Saúl icano David tapimashquin.