Génesis 42:34 - Sharanahua: Diospan Tsain

³⁴ Nan man nuno nasoaitian mato ushtori ua ihuushocahuun. Man asca huaiton un tapitiro man nocona fipai oama. Ascacun un tapitiro icon man yora shara. Un anori tapiaitian un mato yora afanan matoqui caimashquin man nuno isharatiro man yopai cuscan man fitiro,” —ishon noco yoia.

Génesis 42:34 ပူးပေါင်းရင်းမြစ်များ

Génesis 20:15

Asca huano Abimelec Abraham yoini, —Uhuun mai ano min ipaiyai ano min itiroran, —ishon yoini.

Génesis 34:10

Manfin nuno no fu itiroquin. Nuno man ipaiyai ano man itiro. Yonocain ahuun rafanan mai fifain ahuarafo futsa nan man yopai cusca ficahuun, —ishon yoini.

Génesis 34:21

—Uhuun yoramishtichin, Jacob yafi ahuun facufo yora sharacoinfo. Noco fu rafupaicani. Asca ato yoicahuun no fu inonfo. Noco fu ahuara inanonnanshcaquin. Nuno mai uhuapa noco fu inonfo. Ascaino ato shomayafori non fiaino noconafori finonfo.

Génesis 42:15

Un mato onan. Icon niaifo Faraón nia cuscan, nanscarifiai icon mato ushto nuno oyamaino manricai nunoashu canacama.

Génesis 42:20

Ascan nan man uqui nasoaitian maton ushtori ua ihuushocahuun. Nan oinquin un tapitiro man ua yoia cusca iconcoinmainquin. Man ua ushto ihuushoyamashu man nairan, —ishon ato yoini. Nan ato yoia cuscacoin anifo.