Génesis 42:24 - Sharanahua: Diospan Tsain

²⁴ Ascano José atomaquinoashu chaimashta catan oinyamaifoanno uaini. Ascatan afanan ato yoiyoi oni. Ato ointaifin aton yora Simeón munushmani afanan cunu muran iquinon.

Génesis 42:24 ပူးပေါင်းရင်းမြစ်များ

Génesis 34:25

Osha rafu non fusti finontan Siquem yafi ahuun caifo nocofunufosi isiainfoan Jacob facu rafu nan Simeón yafi Leví pushu rasi muran iquicain aton nopusi rutuqui cuyonifo. Siquem yafi ahuun yora nocofunufoan ahuusca huatirofoma ini.

Génesis 42:23

José ato ahuara yoipaiquin Egipcio tsainman ato yoini. Futsan ato tsain yafi Egipcio tsainri tapishon José ato yoini cuscan ato tapimani. José ato foman. Arifi aton tsain nicafiaiton ahuun ochifoan tapinifoma.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Génesis 43:23

Nicatan pushu cushumisiton ato yoini, —Nanscanon. Ratuyamacahuun. Maton Diosifin maton upa ahuun Diosiri yononi mato pui afanan maton forusa muran nanunon. Mun tapia man ua pui inanni tushu fiishquin, —ishon ato yoini. Yoiquin anaititan atoqui Simeón ihuuni.

Génesis 43:30

Nannori yoiquin José ahuun nomuran fasi shinancoinni ahuun ushto ointan atomaquinoashu cariscani cunu futsa muran caashu uaishquin.

Génesis 45:1

Nan nicatan José afanan ahuun oinmatifo aton ointaifin tunutiroma muuquin ato nichini. —Nantifi umaquinoashu chifi fotacahuun, —ishon José Egipciofo oiashcafini yoini. Ascashon ahuun yorafosi ato onanmani.

Génesis 45:2

Ato onanmatan fasi uaini. Uaicaiton Egipciofoan nicanifo. Ascano niaifo Faraón pushu murannoafoanri nicacani aqui chaninifo.

Lucas 19:41

Machi tusirimupacuquin nan pushurasi Jerusalén anoa icafo oin atohuun ramapai Jesús uaini.

Romanos 12:15

Unimaifo ya unimacahuun. Uaicaifo ya uaicahuun. Omitsiscaifoan ato shinancahuun.

1 Corintios 12:26

Nofiri raniran non moshaqui chachishon non mutiro nantifi nocon caya non omitsiscai nanhuun non isincointiro. Nanscarifiai Jesús icoinra huaa futsa omitsiscaiton nantifi nan non icoinra huafoan ahuunshon non mutiro afu omitsiscai shinantsa. Nanscarifiai Jesús icoinra huaa futsan futsafori shara huacun non nantifi afu icoinra huafori non afu unimacointiro.

Hebreos 4:15

Nantifi finoncoian nocohuunshon Dios cufimisi Jesusfin non muai cuscan arifi muyopaoni. Ascan ahuaraton noco shinanchacamapaiyai cuscan arifi nansca huayopaoni. Ascacun nocohuun ramapaitiro. Satanás nan yoshin chacapan noco chaca huamapaiyai cuscan nanrifi chaca huamapaifiaitocai anima. Jesuscai ahua chaca huamisima. Nantifi non mutiro cuscan arifi muyopaoni. Non omitsiscamisi cuscan arifi muyopaoni. Ascacun nocohuun ramapaitiro.