Génesis 42:21 - Sharanahua: Diospan Tsain

²¹ Ascatan afi ranan yoinannifo, —Nocon ushto José non chaca huanihuunshon natian Diosin noco onaintimai. Man non ahuun fuso oinni nocomaquinoashu cai omitsiscani. Noco yoini, “Ochin, ua mai futsa ari nichiyamacapun. Ua shinancapun un nanonma,” ishon uaiyanan noco yoini. Ascafia non ahuun ramapainima. Ascan natian ahuunoashu norifi non omitsiscairan, —icashu yoinannifo.

Génesis 42:21 ပူးပေါင်းရင်းမြစ်များ

Génesis 41:9

Ascacun nan ayati mushomisiton Faraón yoini isca huaquin, —Niaifon, natian mun shinan un fasi chaca hua.

Génesis 44:16

Judápan cumani, —¿Niaifo, non raquiri mia yoitiromun min noco icoinra huanon? Non chaca huani cuscahuunshon Diosin natian noco onaintimai. Min cucho ushto forusa murannoa fuchia. Ascan natian noco ushto fu non min yonomati iishquin. Min nocon ifo iishquiran, —huaiton.

Génesis 45:3

Ascatan José ahuun yorafo yoini isca huaquin, —Unfin Joséquin. ¿Uhuun upa afin niamun? —ishon ato yocaino ahuun yorafo nicain fasi ratucoincani tsoa puusinima.

Génesis 50:15

Ascan apa mai huano chipo José ahuun ochifoan shinannifo isca huaquin, —Ohuashta. Natian nocon ushto José afanan noco oinpaimaraca. Non ahuun fucashpaonicun afiraca ointiaquimanama. Non aqui chaca hua cuscan natianraca noco copiquin, —ishon shinannifo.

2 Samuel 12:13

Nannori yoiaiton nicaquin David Natán yoini, —Unfin Diosqui chaca huaquin, —ishon yoiaiton. Natán David cumani isca huaquin, —Nocon Ifo Diosin min chaca hua cuscan mia soashona. Mincai naima.

Hechos 19:18

Ascashon Jesús icoinra huafoan aton ointaifi chaca huafo cuscan yoinifo.

Santiago 2:13

Ascashon Diosin nantifi yorafo puashoshquin. Ascan niyoshon man futsafohuun ramapaipaonimacun Diosiri matohuunri ramapaishquima. Ascan niyoshon man futsafohuun ramapaipaonicun Upa Diosin matohuunri ramapaishquin. Ascashocai mato onaintimaima. Ascatama manrocon afu ipasharatiro.

1 Juan 1:9

Ascatamarocon nocon chaca non yoiaiton Upa Diosin yoini cuscan noco rau huatiro. Non chaca huamisi cuscan afanan Upa Diosin shinantiroma Furumun noco nashoni nocon chaca soashoshquin. Upa Diosin sharacoinshon noco yoini cuscan nanscacoin huai. Nantifi nocon chaca noco soashotiro non chaca huamisima cuscara non inon.