Génesis 42:19 - Sharanahua: Diospan Tsain

¹⁹ Iconmainquin manmain yora sharaquin, fusti nuno cunu muran nituyotiro. Ascano atirifi mato mai ari fotirofo tushu mato yorafo foshoi focani.

Génesis 42:19 ပူးပေါင်းရင်းမြစ်များ

Génesis 40:3

Nanno ranushumua niaifon ato cushua ini. Nannori José cunu muran ini.

Génesis 41:56

Ascano nan maifoti yonoyamaiton José ato yononi pushu murannoa tushufo mucuafo fupunonfo ato tushu inanmitsashon ahuun rafanan pui finonfo. Egipcio mai anocai yonofo foainima. Nantian tushu yopacoinnifo.

Génesis 42:11

Nocon upa fusti. Nonfin yora sharaquin. Noncai futsana fipai camisima, —huaifoan.

Génesis 42:18

Osha rafu non fusti finontan ato caimani. Ascashon ato yoiquin isca huani, —Un mato yoiai cuscan man ai man nitiro. Urifi un Diosiqui musui.

Génesis 42:20

Ascan nan man uqui nasoaitian maton ushtori ua ihuushocahuun. Nan oinquin un tapitiro man ua yoia cusca iconcoinmainquin. Man ua ushto ihuushoyamashu man nairan, —ishon ato yoini. Nan ato yoia cuscacoin anifo.

Génesis 42:26

Ascan ato ina burrofo camaqui ato forusafo tushu nanunifo. Asca huatan nannoashu fonifo.

Génesis 42:33

Ascaiton noco cumaquin isca hua, “¿Non tapinon man nocofunu iconmisifomun? Mato yora fusti nuno u fu nitunon. Ascan mato yorafo mato mai ano foniaiton man tushu nunoshon ato foshotiro. Ascan nunoashu mato mai ari man catiro.

Génesis 45:23

Ascashon apari ahuarafo fomani. Mucu rafuti burro camaqui ahuarafo sharashta ato fomafain mucu rafuti burro ainfo camaqui misi yafi tushu futsa futsatapafo fomani Egipcio mai ano apa nasoaitian pisharanonfo.