Génesis 41:8 - Sharanahua: Diospan Tsain

⁸ Iyoconaino moishon fasi shinanpaiqui futsani. Ato yoimani yora yofufo yafi mapo sharayafo aqui funonfo. Nantifi na cuscarafo Egipcio anoafo aqui funifo. Nocoafono ahuun namapanhuunoa ato yoini. Ahuun namapan yoiai cuscacai tsoashta Faraón tapimatiro inima.

Génesis 41:8 ပူးပေါင်းရင်းမြစ်များ

Génesis 40:6

Ascano iyoco futsaino José atoqui cashon oian aton fuso shinanchacacoin inifo.

Génesis 40:8

—Non nama cuscan noco tsoan tapimatiromun raquirimain non namaqui, —ishon nan rafutan cumanifo. —Diosin fustiton noco tapimatiro man nama cuscan. Man nama cuscan ua yoicahuun, —huaiton.

Génesis 41:15

Faraón José yoini, —Un nama cuscacai tsoashtan ua yoitiroma. Mun nican min futsa ahuun nama nicaquin min tapimatiroran, —ishon yoiaiton.

Génesis 41:24

Nan siete fimi tsasi hua futsa ahuun fimi shara fospicoian piafo. Un mia yoia cuscan nannori uhuun yofufo un yoifiacai ua tsoan uhuun namapanhuunoa tapimatiro icama, —ishon Faraón José yoini.

Génesis 41:7

Nan sietefain fimi tsasia futsa ahuun fimi fospicoian pinifo. Ascaino Faraón moinacahuani.

Éxodo 7:11

Nanscaiton oinquin Faraón ahuun yora nan Egipciofo aton mapo sharayafo non yofufo cunani. Aarón aca cusca nanfoannorifi aton yonohuunshon nansca huanifo. Nanfoan amisifo cuscacai aton caifo futsa tsoa atiroma.

Éxodo 7:22

Nansca huaiton oinquin Faraón ahuun yofufoanri yoshinfohuunshon nanscari huanifo. Ascashon Faraón ahuun nomuran afanan curush huani. Nocon Ifo Diosin ato yoini cusca Faraoncai Moisés yafi Aarón nicapainima.

Éxodo 8:7

Nantianri nan yofufoan nanscari huaquin yoshinfohuunshori fushco huarasi unu murannoa machi mapumanifo.

Éxodo 9:11

Ascaino yofufoancai Moisés aca cusca ahuun ointaifin huatirofo inima. Nan yofufori pau yoratishon coyoi futsunifo. Nan aton caifofo nantifi Egipciofori pau yoratishon coyoi fuchinifo.

Daniel 1:20

Nan niaifoan ahuara ichapa futsa futsatapafo ato yocaiton nan rafu non rafuriton fasi cayacafi shara cumanifo. Nanfoan cumasharai cuscacai tsoa futsan ahuun mai anoshon ascara cumaquin shara huatiroma. Nan Daniel non nan rafu non fusti pushcopan tapiafo cuscan tsoan futsacai tapinima. Ascan nan shointiafoanricai inonpacoai cuscan yoimisifori tapinifoma.

Daniel 4:18

“Unfin, Nabucodonosorquin, nan Babilonia ano icafoan aton niaifofin unquin. Uhuun namapafin un nanscara oianquin. Uhuun caifo fusti rasiton tapisharafo cuscan un nama cuscacai tsoan ua tapimatiroma. Nan tapi sharaton ua yoitiroyamafia Beltsasar minfin ua tapimatiroquin. Diosin sharapan ahuun Yoshin min nomuran icano min ua tapimatiroran,” —ishon niaifo Nabucodonosor Daniel yoini.

Daniel 4:19

Nan Daniel ahuun anu futsa Beltsasar niaifoan nama cusca shinainno fasi mustairitan ratucoinquin niaifoan yoini isca huaquin, —Beltsasar, uhuun namapan ua yoia cuscahuunoa ratuquima ua tapimahuu, —ishon yoiaiton cumaquin isca huani. —¡Ohuashta, niaifo! Min nama cusca mihuunoa yoitamarocon mia noicasmaifohuunoa min yoia shara icuana.

Daniel 4:5

Ascafia yamu futsa uhuun namapan ua ratucoinni. Uhuun oshati anoshon un namaquin oian cuscan ua ratucoiaino un fasi ratui tari tari ini.

Daniel 4:6

Ascacun nantifi nocofunufo mapo sharaya un cuna un nama cusca ua tapimanonfo.

Daniel 4:7

Rato futsafoan atiroma cuscan huamisifo uqui fuafo shointiafo uqui fuaifono fishifo oincashon ahuara chipo iishquiai cuscan yoimisifori uqui fuafono inon pacoai cuscan yoimisifori uqui fuafo. Un nama cuscan un ato yoifiaitocai ua tapimapaifiaquicai tsoan ua tapimatiroma.

Daniel 5:11

Minfin nunoa nocofunun niaifoquin. Ascan nunoa nocofunu futsan diosi sharafo aton yoshin ahuun nomuran a fu rafua. Min shuni Nabucodonosor niyoshon nan nocofunu futsan fuchiniton. Nantofin fasi tapisharacoianquin. Ahuara tsoan tapiama cuscaran diosfoan tapia cuscan nantorifi tapini. Ascan nan min shuni niaifon na nocofunu catonni nan tsoan futsa atiroma cuscan huamisifo yafi shointiafo yafi fishi oincaquin ahuara chipo iishquiai cuscan yoimisifo yafi inonpacoai yoimisifori nan nocofunun aton niaifo ipaoni.

Mateo 2:1

Ascano Herodes niaifoaitian Jesús Belén anoashu cainni. Nan Belén Judea muran ini. Nantianri fishifohuunoa tapicoianfo fari oaiquirinoashu fucani Jerusalén ano noconifo.

Hechos 17:18

Ato yoiaino futsafo aqui noconifo afu fochishmanantanancani. Atirifoan shinannifo non apaiyai cuscafin non huatiroquin noco unimamanon. Nanfoan anu tuqui huani Epicureofo. Atirifoanri shinannifo ahuara ahuuscarafiaino non tunutiroran ishon shinannifo. Nanfo anu tuqui huani Estoicos. Nan rafu Epicureofo non Estoicofori Pablo fu fochishmanantanannifo. Yoinifo, —Nan tsainmisi fahua cuscara. Raquiri noco yoipaimun, —ishon atirifiton yoinifo. —Dios futsafo noco icoinra huamapairan, —ishon atirifoanri yoinifo. —Pablonun noco Jesushuunoa yoia. Naafiashu funini noco yoiaran, —ishon yoinifo.

Hechos 7:22

Ascatan Egipciofoan tapiafo cuscan Moisés yosinifo. Fasi ahuun mapo shara. Egipciofoan tapini cuscan arifi tapiniquin. Ahuun tsainri cayacafi shara. Niaifo sharapan atiro cuscan arifi asca huapaoni.

1 Corintios 1:19

Diosin tsain cunuquin isca huani, “Nan ua icoinra huamafoan shinancaquin isca huacani, ‘Non tapicoian. Nocon mapon shinansharafain non ahuara huatiro nonfin tapisharaquin,’ ishon shinancani. Ascafiashon ahua tapiafoma. Unfin un ato oinmanicain. Afoan shinainfo cuscacai un ato huaimaima. Ipaitsi shinanforan,” ishon Diosin yoini.