Génesis 41:56 - Sharanahua: Diospan Tsain

⁵⁶ Ascano nan maifoti yonoyamaiton José ato yononi pushu murannoa tushufo mucuafo fupunonfo ato tushu inanmitsashon ahuun rafanan pui finonfo. Egipcio mai anocai yonofo foainima. Nantian tushu yopacoinnifo.

Génesis 41:56 ပူးပေါင်းရင်းမြစ်များ

Génesis 12:10

Ascano nantiari Abram nanno tushuoma ini. Ascan tushuomacoinyashu Egipto ano cayoni tushu fiicai.

Génesis 41:30

Ascatan nan siete fari finoainno siete fari finontari yono foai sharashquinma. Ascano nantia tushuomacoin man iishquin. Man nantifi mai ano tushuoma iishquin. Man pisharapaoni cuscacai man afanan shinanshquima. Man fasi fonicoinshquin.

Génesis 41:55

Nantian Egipcio aton mau ano yonofo foaisharanimano aton niaifo Faraón ano fonifo nan tushu yocain focani. Ascacun Faraón ato yoini isca huaquin, —José ano fotacahuun mato yoiai cuscan acahuun, —ishon Faraón ato José ano nichini.

Génesis 41:57

Maifoti anoafo Egipcio mai ano fonifo Joséhuunshon tushu fii focani. Nantifi manifoti anoafo tushuyamaino fasi fonicoinnifo.

Génesis 42:6

Nan Egipcio maifoti ano José aton niaifo ini. Nantofin manifoti yorafo tushufo inanpaoniquin. Ascano José ahuun ochifo aqui nococatan fuoshonpacufoannifo.

Génesis 43:1

Aton mai Canaán ano yono foaicamano nantifi nannoashu fonicoinnifo.

Lucas 21:35

Ahuarafo ahuuscarai futsuaino nan maitio omitsiscai futsushcani.

Hechos 17:26

Diosin nocofunu onihuaquin tau huani. Na nocofunuhuunoashu manifoti caicani. Aafin yononi raquifomain icanicain. Ahuuti farimain itirofoquin arusu fusti tapia.