Génesis 41:55 - Sharanahua: Diospan Tsain

⁵⁵ Nantian Egipcio aton mau ano yonofo foaisharanimano aton niaifo Faraón ano fonifo nan tushu yocain focani. Ascacun Faraón ato yoini isca huaquin, —José ano fotacahuun mato yoiai cuscan acahuun, —ishon Faraón ato José ano nichini.

Génesis 41:55 ပူးပေါင်းရင်းမြစ်များ

Génesis 41:56

Ascano nan maifoti yonoyamaiton José ato yononi pushu murannoa tushufo mucuafo fupunonfo ato tushu inanmitsashon ahuun rafanan pui finonfo. Egipcio mai anocai yonofo foainima. Nantian tushu yopacoinnifo.

Génesis 42:6

Nan Egipcio maifoti ano José aton niaifo ini. Nantofin manifoti yorafo tushufo inanpaoniquin. Ascano José ahuun ochifo aqui nococatan fuoshonpacufoannifo.

Mateo 17:5

Ascashu Jesús fu tsaincaino coin osho sharacoin atoqui cuyopacuni. Ascaino coin murannoa oi nicanifo yoiqui isca huaiton, —Nanfin uhuun Facuquin. Un fasi ahuun noi. Nanfin un catoanquin. Un aqui unimacoin. Ascacun a nicacoincahuun, —ishon Upa Diosin yoini.

Mateo 3:17

Ascano nanno niafoan nai murannoa Upa Diosin ahuun oi nicanifo yoiquin isca huaiton, —Nan uhuun Facu un catoan. Un fasi ahuun noi. Un fasi aqui unimacoinran, —ishon Apa Diosin yoini.

Juan 2:5

Ascaiton ahuan oinmatifo yoiquin, —Nan mato yonoai cuscan huashocaquin, —huani.

Filipenses 4:19

Uhuun Diosin man yopaiti mato inanshquin. Upa Diosin ahuun ahuara sharacoinfo aya cuscacai ichapa cuyopacunacama. Furun Jesucristohuunshon mato inanshquin.

Colosenses 1:19

Ascacun Upan Diosin yoiquin isca huani, —Un imisi cuscacoin nanscarifi uhuun facu imisiquin. Ascashu arifi ufu Dioscoin. Nonfin nanscara rafuquin, —ishon unimacain Upa Diosin yoini.