Génesis 41:46 - Sharanahua: Diospan Tsain

⁴⁶ José tau huaquin nan Egipciofoan aton niaifo Faraón ahuun niaifo patashari iyoaitian ahuun fari treintaya ini. Faraón anoashu cai José nantifi Egipcio mai ano cahuancacaini.

Génesis 41:46 ပူးပေါင်းရင်းမြစ်များ

Génesis 37:2

Jacob ahuun yorafohuunoa natian cunui. José ahuun fari diecisiete fariashon ahuun ochifo futan apan chashoanfo cushunifo. Ahuun ochifo ato uhua rafu Bilha yafi Zilpa. Aton apa ahuin rafu ini. Ahuun ochifo chaca hua cuscan José apaqui chanini.

Génesis 41:47

Ascatan Egipcio mai anoa siete fari yonofo foai sharacoinpaoni. Aton tushu ichapacoin ini. Ascatari ichapacoin tushuni.

Génesis 42:8

José ahuun ochifo onanfiacai ahuun ochifoan José onannifoma.

Génesis 45:6

Fari rafu finontan yono yamai. Mucu fustiti farin cai ato yono fanafiashon tsoan aton mau anoa ahua chituyonima.

2 Samuel 5:4

Ascan David treinta fariaitian Israelifo aton niaifo iqui tauni. Aton niaifo cuarenta fariya ini.

Daniel 1:19

Ascan nan niaifo Nabucodonosor ahuarafo ato fu tsainpacuni. Ascan nan niaifoan ato fu tsainquin tapini rato pushco futsacai Daniel futan Ananías non Misael non Azarías afoan tapiafo cuscacai tsoan futsan tapinima. Ascan nan rafu non rafuriton nan niaifo Nabucodonosor yonoshonifo.

Lucas 21:36

Ascacun itisharayanan Upa Dios cufifafaincahuun omitsiscaitian ahuun curushhuunshon mato amapaiyai cuscacoin huashcaquin. Ascashu man chipo uqui nocoaitian un matoqui unimatiroran, —ishon Jesús ato yoini.

Lucas 3:23

Jesús treinta fariatian tau huaquin yorafo yosini. Ascano yorafoan shinancaquin Jesús José ahuun facuran, huafiainfonocai ahuun facucoin inima. José ahuun apa Elí ini.

Judas 1:24

Ascan uhuun tsain unutaqui nocon Dioshuunoa un mato yoisharapai. Nanton mato cushusharatiro man chaca huanonma. Unimacoincain ahuun ointaifi mato imasharatiro. Nannoshocai tsoan matohuun ahua chaca nuutatiroma. Ascashu unimacoin man aqui nocoshquin. Nantofin mato nansca shara huashotiroquin.

1 Samuel 16:21

Ascano David aqui nocoshon nan Saúl yononi cuscan David aani. Saúl Davidqui unimacain ahuun noicoinni. Ascan David ahuun oinmatiri a fu ica ini.