Génesis 41:45 - Sharanahua: Diospan Tsain

⁴⁵ Ascashon Faraón José anu futsa tuqui huani. Zafnat-panea ahuun anu futsa tuqui huani. Ascan nocofunu ahuun anu Potifera pushu rasi ahuun anu On ano iyopaoni. Nan afin ahuun yorafo ato cufinshomisi ipaoni. Faraón yononi Potifera ahuun facu shomaya ahuun anu Asenat José inannon a fu fiananon. Ascano José Egipcio maifoti ano cahuancacaini.

Génesis 41:45 ပူးပေါင်းရင်းမြစ်များ

Génesis 14:18

Nantiari niaifo futsan ahuun anu Melquisedec Abramqui noconi. Nan Melquisedec Salem pushu rasi anoafoan aton niaifo ini. Ascan Diosifin nantifi mai anoafo yafi nai murannoafori finoncoianquin. Nan Melquisedec yorafohuunshon Diosi cufinmisi ipaoni. Nanton misi yafi fimi ahuun anu uva Abram fushoni.

Génesis 41:50

Nan yorafo tushuoma icataifoma José ahuin Asenat furonanfacu rafu cainni. Nan Asenat Potifera facu. Potifera icano pushu rasi ahuun anu On.

Génesis 46:20

Ascano José ahuun ahuin Asenat ahuun facufo cainni. Aton anu Manasés non Efraín. Nan rafu Egipcio anoashu cainnifo. José ahuin Asenat ahuun apa anu Potifera. Nanton ahuun yorafo pushu rasi On anoafo aton cufinshomisi ipaoni.

Éxodo 2:16

Ascano nan mai Madián ano nocofunu ahuun anu Reuel. Nantofin ahuun caifo Upa Diosi cufinshomisi ini. Ahuun facu shomaya mucu fustiti non mucu foshca fu rafuati ini. Naan shomayafo unu fii focani fonifo apan chashoanfo ayamashcaquin. Ascano nan pozomua ano Moisés tsaoa ini.

Daniel 1:7

Ascashon niaifo Aspenaz ato anu futsa Babilonia tsainman tuqui huani. Daniel anu futsaqui Beltsasar huani. Ananías anu futsaqui Sadrac huani. Misael anu futsaqui Mesac huani. Azarías anu futsaqui Abed-nego huani.

Lucas 2:1

Nan Juan caiyaintianri Romanonfoan aton niaifoan ahuun anu Cesar Augusto. Nanton ahuun yorafo yononi maitio ato tanan huashon aton anufo cununonfo ahuuti yoramainquin tapipaiquin.

Hechos 11:28

Ascan icoinra huafo ichanancanashu ato nicapai futsan ahuun anu Agabo Diospan Yoshin Sharahuunshon ato yoini isca huaquin, —Nantifi maitio Romanofoan ato yonoafo tushu cuyoiran, —ishon ato yoini. Icon nan Romano Claudio niaifotian tushu cuyocoinni.