Génesis 41:43 - Sharanahua: Diospan Tsain

⁴³ Nanscara sahuuashu niaifoan ahuun caballo taramutiya muran José iquimani cahuancacaino nan rucu fuitauafoan oi ashcafinin cunani, —Shucufoancahuun niaifoan mato finonsharafoanon, —ishon yoinifo. Faraón yononi arus fusti José finoan ahuun caifoan tapinonfo. José nantifi Egipciofo aton niaifocoin ini.

Génesis 41:43 ပူးပေါင်းရင်းမြစ်များ

Génesis 41:42

Asca huatan Faraón ahuun anio nan ahuun anu nutanni ahuun mutotihuunoa tsucashon José nutamani. Sahuuti fasi sharafori sahuumani. Nan pano ahuun anu lino. Tuhuuti orori sahuumani.

Génesis 41:44

Ascano Faraón José yoini isca huaquin, —Unfin Faraonquin. Tsoa futsacai ua finoanma. Ascafia min uhuun yorafo aton niaifocoin. Min ato yonoyamainocai tsoa ahuusca huatiromaran, —ishon Faraón José yoini.

Génesis 42:30

—Upashtan, nan nocofunu Egipciofoan aton niaifo noco tsain curushcain yoia. “Manfin tushuhuunoashu fuama. Nocon mai fipaiquin man oinyoaran,” ishon noco curushcain yoia.

Génesis 42:33

Ascaiton noco cumaquin isca hua, “¿Non tapinon man nocofunu iconmisifomun? Mato yora fusti nuno u fu nitunon. Ascan mato yorafo mato mai ano foniaiton man tushu nunoshon ato foshotiro. Ascan nunoashu mato mai ari man catiro.

Génesis 42:6

Nan Egipcio maifoti ano José aton niaifo ini. Nantofin manifoti yorafo tushufo inanpaoniquin. Ascano José ahuun ochifo aqui nococatan fuoshonpacufoannifo.

Génesis 45:26

Nococatan apa yoinifo, —Upan, min facu Joséfin niaquin. Natian nanfin Egipciofo anoafoan aton niaifocoinquin, —ishon yoiaiton nicain Jacob fasi mustairini. Ahuun facufoan yoiai cuscan icoinra huayonima.

Génesis 45:8

Ascano man tapitiro man ua nuno nichiyamafia Diosin ua nuno rucu nichini. Ua yonoa un niaifocoinshon Faraón ahuun tapimamisi un inon. Faraón ua catonni nantifi ahuun yorafoan aton niaifo un inon.

Génesis 50:18

Ascacun ahuun ochifoan aqui fucatan fuopacucahuatan yoinifo, —Nonfin min yonomatifoquin, —huaifoan.

Génesis 50:9

Yorafo caballo taramutiyaton José fu fonifo. Yora ichaparasi a fu fonifo.

Daniel 2:48

Asca huatan niaifoan Daniel catonni ahuun yorafoan aton niaifocoin inon. Ahuara sharacapacoin Daniel cashman inanni. Niaifoan yoini isca huaquin, —Daniel, min Babilonia mai anoafo aton niaifo min iishquin. Nan tapisharafori min aton niaifo iishquinran, —ishon niaifo Nabucodonosor yoini.

Hechos 7:10

José omitsiscafiaiton Upa Diosin numani ahuun nomuran shinansharamani. Ascano Egipcio niaifoan Faraón fasi José fuchipaipaoni. “Min niaifo patashari itiro. Nantifi uhuun yorafo non uhuun caifo min ato nantifi yonotiroran,” ishon Egipcio niaifoan José yoini.

Filipenses 2:10

Ascanishaquin natian Jesús nantifi finoncoian. Nai muran icafo yafi mai ano icafo non naamisifo non yoshinfoanri. Aqui oshon nantififain ratoconun mai chachishon yoishquicani isca huaquin, —Jesucristo minfin nantifiton noco Ifoquin, —ishon yoishquicani. Nannori Furunhuunoa yoicaquin nantianri Apa Diosihuunoa yoisharashquicani.