Génesis 4:5 - Sharanahua: Diospan Tsain

⁵ Ascafia Caín inan cuscan oincai Ifon Diosin aqui unimanima. Ascaino Caín fasi sinaquin ahuun fuso fuchopi huaqui futsani.

Génesis 4:5 ပူးပေါင်းရင်းမြစ်များ

Génesis 31:2

Jacob oian Labán aqui ipaoni cuscan atama aqui shinanchacani.

Génesis 31:5

Aqui fuafoan ato yoini, —Mun oian min upa natian uqui shinanchacai. Upancai ua shara huapaoni cuscan afanan ua huaima. Ascafiacai uhuun upa ahuun Diosin ua potamisima.

Números 16:15

Nannori huaifoan nicaquin Moisés atoqui sinaquin nocon Ifo Diosi cufini isca huaquin, —Nafoan mia ahuarafo ismapai min ato catonon. Ascafia ato catonyamahuu, Ifon. Uncai ato ahuara fustishta fianmisima. Aton burro fustishtacai un ato fianmisima. Uncai ato chaca huamisimaran, —ishon Moisés nocon Ifo Diosi cufini.

Mateo 20:15

Nan un ato inanpaiyai cuscan un ato inantiro. Nanmain uhuun puicufin. ¿Ascan ahuuscaquin nan faricaino yonoafo yafi man uqui shinain chacaimun? Unfin futsafori shara huapaiquin,” ishon mau ifoan ato yoini.

Hechos 13:45

Fasi yorahuanrasi ichanannifo ato nicacani. Israelifoan oincani Pablo yafi Bernabequi sinanifo. Ascano yoiafo, —Pablonun noco yoiai cuscan chacacoin. Jesuscai Diospan facumaran, —ishon yoinifo. Ato roanifo.

Hebreos 11:4

Nocon shuni Abel Dios icoinra huashon chashoanun facu inanquin nan Dioscoin inain cafisca huani. Ascan Diosin aqui unimacoinni. Ascan ahuun ochin Caincai ascara inima. Nan Caín icoinra huayamaitocai nantori inanpaiyai cuscan Diosin fuchipainima. Ascan ahuun ushto Abel icoinra huacoincun ahuunoa Diosin yoiquin isca huani, —Min ua inanshararan, —ishon yoini. Abel man Dios icoinra huashu man naafianicun non ahuun caoaino nocoqui Diosin unimacointiro.

Judas 1:11

¡Ai timafin! Fasi omitsiscapashcaquin. Caín chipocu rutuni. Nanfori nanscarafo. Balaam cuscarafori. Nan Balaam pui fusti shinanquin chaca huani. Nanfoanri nansca huamisifo. Coré cuscarari. Nan Coré ahuun niaifo Moisés nicacasmapaoni. Ascacufin Diosin nan namaniquin arifi nicacasmacanashu nai omitsiscapashcaquin.

1 Samuel 16:7

Ascan nocon Ifo Diosin yoini, —Min nocofunu cuyamasoa shara oian. Ascacun min shinan un nan nocofunu catoncun. Nan min shinain cuscari nannori yorafoan shinanmisi. Ascan uncai anori shinanmisima. Uncai Eliab catoanma. Uncai yora ahuun cuyamasoahuunshon un ato catoanma. Yorafoan aton no muran shinainfo cuscan un tapishocai un ato catontiro iyamarai un ato catoinmaran, —ishon nocon Ifo Diosin yoini.