Génesis 39:9 - Sharanahua: Diospan Tsain

⁹ Na mato pushu anocai ua tsoan finoanma. Ufin nantifi yonoaquin. Min fununcai ua ahuashta fishcoama. Mia fustifin min funun fiaquin. ¿Ahuuscaquimun un chaca huatioquin Diosi chaca huafain min funuri un chaca huatiroquin? —ishon yoini.

Génesis 39:9 ပူးပေါင်းရင်းမြစ်များ

Génesis 13:13

Nan Sodoma anoa nocofunufoan fasi chacacoin huapaonifo. Nanfoan nocon Ifo Diosi nicacasmafain chacasi huapaonifo.

Génesis 20:3

Ascafia Abimelec yamu oshashon ahuun namapan Diosin aqui nocoshon yoiquin isca huani, —Natian min natiro min Sara fiashu. Aafin nan nocofunu futsan ahuun ahuinquin, —ishon yoini.

Génesis 20:6

Ascan Diosin ahuun namapan afanan yoini, —Ai. Mun tapia min nomuran shinanchacashoncai min Sara fiama. Ascacun un mia shatumana min ua chaca huanonma. Ascacun un mia shatumayamaino min Sara fu icuana.

Génesis 20:9

Asca Abimelec Abraham cunani ahuun pushu muran iquinon. Yoini isca huaquin, —¿Ahuuscai min noco chaca huamun? Un mia chaca huayamafiamisicun minhuunshon Diosin ua non uhuun yorafori min noco rafamana. Ascahuayamahuu.

Génesis 24:2

Ascashon Abraham ahuun oinmati ahuun oinmati futsafo aton niaifo cunani aqui onon. Ascashon Abraham yoiquin isca huani, —Uhuun chica ano mupihuu.

Génesis 39:10

Nannori yoifiaiton shafatifi fucash huani ahuuscashoma a fu ipaiquin. Fasi chaima fishtafuranfafainni. A fu ipaicoinquin. Ascafiaitocai José tanannima.

Génesis 41:40

Ascacun un mia catoin min nantifi uhuun caifo Egipciofo ato yonotiro min ato yoiai cuscan anonfo. Uhuun pushu anori min uhuun yonomatifo aton niaifo inon. Urus fusti mia finoinran, —ishon Faraón José yoini.

Génesis 42:18

Osha rafu non fusti finontan ato caimani. Ascashon ato yoiquin isca huani, —Un mato yoiai cuscan man ai man nitiro. Urifi un Diosiqui musui.

2 Samuel 11:27

Uaiquin unuano David futsa nichini ahuun pushu ano Betsabé ihuunon. Ascan ihuuano David fini ahuun ahuin inon. Chipo man furonanfacuya. Ascafia David aca cuscan nocon Ifo Diosin shinansharamanama. Fasi chaca hua.

2 Samuel 12:13

Nannori yoiaiton nicaquin David Natán yoini, —Unfin Diosqui chaca huaquin, —ishon yoiaiton. Natán David cumani isca huaquin, —Nocon Ifo Diosin min chaca hua cuscan mia soashona. Mincai naima.

Salmos 51:4

Un mia fusti chaca huaiton min oiancai min ua yonoa cuscan un huama. Ascaiton min uhuunoa yoia cuscan nantifishon tapishquicani icocoincun. Icon un mia chaca huamisi.

Éxodo 20:14

Maton ahuinma fu iyamacahuu. Ainfofoan mato funuma furi iyamacahuu.

Lucas 12:48

Asca nan oinmati futsa ahuun niaifoan yoia cuscan tapishoma chaca huacun nan icoquin ahuun niaifoan ichapama coshashquin. Nanscarifiai tsoa Diosin ichapa tapimana aqui nococun yocaqui isca huai, “¿Un mia ichapa tapimana cuscan man mian nanscacoin aamun? ¿Ascashon futsafori un mia yoia cuscacoin min huashoamun?” ishon yocashquin. Ascacoin huaiyamashu funotiro.

1 Corintios 4:2

Ascan non Cristo oinmatifocun Diosin noco yononi isca huaquin, —Un mato yoiai cuscan huafain ato yoicahuun. Yoiyamacaquima, —ishon noco yononi.

Tito 2:10

Ahuun ifo ahua onuntama nansca huaquin ato ifofo oinmatirofo ascaifoan ato icoinra huacointiro. Yonomatifo ascaifoan futsafoan yoitirofo isca huaquin, —¡Oincapon! Nan yonomatifo isharacoinmisi. Nanfoan Jesús ifoacoinnafo. Ascan aton Numamisi Diospan tsain sharacoin. Ascacun norifi ahuun tsain non nicanon, —ishon yonomatihuunshon Diospan tsainhuunoa shinansharatirofo.

Hebreos 13:4

Nocofunufoan maton ahuinfofoya noinancahuun. Ascashu shinanmasharatanancahuun. Ascatari maton ahuin non maton funu fusti fu icahuun. Ascafia ratoran futsa aton ahuinma non aton funuma fu icaifoan Diosin nanscarafo ato onaintimashqui.

1 Juan 3:9

Upa Diosin noco nimapacunaca ahuun facufo non inon. Ascan tsoa ahuun facushocai chaca huafafaintiroma. Non ahuun yora ipaiquicai non chaca huamisi itiroma.

Apocalipsis 21:8

Ascan ratoran futsan ratutan cohuuqui uhuunoashu omitsiscapayamacun ua cachiquiri huashquin uhuun tsain icoinra huayamafain chacacoin futsa futsatapafo shatucasmafain rutumitsamisi icain aton ahuinma chotamisi icain ainfofoanri aton funumafo chotamamisi icain shointi nan yoshin chacafo fu tsainmisi icain Uacai noitamarocon ahuara futsan finaquin noicoiain icain ascarafo yafi nantifi chanimisifori ufu ipatamarocon chi urumanhuan muran nan omitsispacunacafo muran ipashcani. Anoashucai fonacafoma, —ishon Upan Dios ua yoia.

Apocalipsis 22:15

Ascan nan yora chacacoin pashna pofu cuscara iquimayamafain shointifo ya nan shointi icoinra huafo iquimayamafain nocofunun ahuun ahuinma chotamisi yafi ainfoanri ahuun funuma chotamamisi iquimayamafain rutumitsamisi iquimayamafain tsoan Dioscoinma noiquin ifoancun iquimayamafain nan chanimisifo nan chani noimisicai. Ascara yorafocai Jerusalén funa muran iquitirofoma.