Génesis 37:28 - Sharanahua: Diospan Tsain

²⁸ Mafo inanmitsamisifo ohuaiton pozo murannoa nushficashon inanmitsanifo. Veinte toro pui ahuun rafanan finifo. Ascano Egipto ari José iyonifo.

Génesis 37:28 ပူးပေါင်းရင်းမြစ်များ

Génesis 25:2

A futan seis facu ani. Nanfoan aton anufo Zimram non Jocsán non Medán non Madián non Isbac non Súah non afo ini.

Génesis 37:25

Asca huatan tsaoshon pinifo. Nan piyanan oianfo Ismaelitafo camello camaqui tsaoashu funifo. Ininti fufain inin futsa cuscara ahuun anu bálsamo fufain ininti futsa ahuun anu mirra Egipto ari inanmitsai fonifo.

Génesis 37:36

Egipto anoshon Madianitafoan Potifar José inanni. Nan Potifar ranushumuafoan ahuun niaifocoin ini. Egipcio ato niaifo uhuapacoin anunifo Faraón. Potifar ranushumuafo aton niaifo. Ahuun niaifo Faraón cushumisi.

Génesis 39:1

Afanan non Joséhuunoa yoinon. José Ismaelitafoan Egipto ari iyoafono Egipcio ahuun anu Potifar fini ahuun oinmati inon. Ismaelitafo ato fianni. Potifar ahuun ranushumuafo nan niaifo Faraón cushua ini.

Génesis 40:15

Hebreofo mai anoshon ua curushcai nuno ihuunifo. Uncai nunoshon ahua chaca huamafinquin ua cunu muran iquimapanan, —ishon yoini.

Génesis 50:15

Ascan apa mai huano chipo José ahuun ochifoan shinannifo isca huaquin, —Ohuashta. Natian nocon ushto José afanan noco oinpaimaraca. Non ahuun fucashpaonicun afiraca ointiaquimanama. Non aqui chaca hua cuscan natianraca noco copiquin, —ishon shinannifo.

Éxodo 2:16

Ascano nan mai Madián ano nocofunu ahuun anu Reuel. Nantofin ahuun caifo Upa Diosi cufinshomisi ini. Ahuun facu shomaya mucu fustiti non mucu foshca fu rafuati ini. Naan shomayafo unu fii focani fonifo apan chashoanfo ayamashcaquin. Ascano nan pozomua ano Moisés tsaoa ini.

Mateo 26:15

Ascacaini cashon ato yoiqui isca huani, —¿Un mato Jesús achimacun ahuuti pui man ua inantiromun? —ishon ato yocaiton. Cumanifo, —Non mia treinta toro oshopafo inantiroran, —ishon yoinifo. Asca huatan inannifo.

Mateo 27:9

Ascano nan Diosin tsain yoimisi Jeremías inon pacoai cununi cuscan natian man nanscacoin huaafo. Isca huaquin cununi, “Israelifoan yoinifo, ‘Non treinta toro inantiro nan nocofunun noco achimashocun,’ ishon yoiafo. Nan torofohuunshon cuti huamisiton ahuun mai fiafo. Uhuun Ifoan ua yononi cuscan un cuti huamisiton ahuun mai fia. Nanscarifi aqui nanfoanrifi aton torofohuunshon cuti huamisiton ahuun mai fiaforan,” ishon Jeremías cununi.

Hechos 7:9

Nocon shunifoan aton ushto José noicasmacaquin yora futsa inannifo ahuun rafanan pui fishcaquin. Ascan José Egipto ano iyonifo nanno aton yonomisi inon. Asca huafiainfoan Upa Diosin José potanima. A fu imisi.