Génesis 37:2 - Sharanahua: Diospan Tsain

² Jacob ahuun yorafohuunoa natian cunui. José ahuun fari diecisiete fariashon ahuun ochifo futan apan chashoanfo cushunifo. Ahuun ochifo ato uhua rafu Bilha yafi Zilpa. Aton apa ahuin rafu ini. Ahuun ochifo chaca hua cuscan José apaqui chanini.

Génesis 37:2 ပူးပေါင်းရင်းမြစ်များ

Génesis 10:1

Noé facufo nan Sem yafi Cam non Jafet nanfo man faitahuan nashano chipo facuyai taunifo. Natian nan rafu non fustiton aton funafohuunoa mato yoi man tapinon.

Génesis 2:4

Ascatan nanscacoin huaquin nocon Ifo Diosin nai yafi mai onihuani. Ato oni huatiancai nocon Ifo Diosin yonofo onihuatai inima. Ascashon mai anoricai oi fumatai inima. Tsoaricai mau ano yonoatai inima.

Génesis 30:4

Ascaquin Raquel ahuun yonomati Bilha ahuun funu Jacob inanni ahuun ahuin futsa cuscaran inon. Ascan Jacob Bilha fu ica.

Génesis 30:9

Ascano Leapan tapini afanan facu nanuyamai. Ascashon ahuun yonomati Zilpa funu ano iyoni a fu inon.

Génesis 35:22

Nanno ishon Israel nicani ahuun facu Rubén ahua futsa Bilha chotaiton. Tapiashu sinacoinni.

Génesis 41:46

José tau huaquin nan Egipciofoan aton niaifo Faraón ahuun niaifo patashari iyoaitian ahuun fari treintaya ini. Faraón anoashu cai José nantifi Egipcio mai ano cahuancacaini.

Génesis 42:8

José ahuun ochifo onanfiacai ahuun ochifoan José onannifoma.

Génesis 45:6

Fari rafu finontan yono yamai. Mucu fustiti farin cai ato yono fanafiashon tsoan aton mau anoa ahua chituyonima.

Génesis 46:34

Man yoitiro isca huaquin, “Nonfin nocon shunifoan apaoni cusca nocon chashoanfo non cushuaran,” ishon man yoitiro. Man nanscara yoiaiton mato Faraón yoitiro Gosén ano man inon mato inafocai Egipciofoan fuchipaima. Egipciofocai chashoan cushumisifo fu ipaimaran, —ishon José ato yoini.

Génesis 5:1

Asca natian un mato Adán funafoan ahuun anufo cunushoni. Ini Diosin nocofunu Adán a cuscara oni huaqui tau huani.

Génesis 6:9

Noé ipaoni cuscahuunoa cununi isca huaquin. Noé nocofunu fasi sharacoin ini. Diosin yoia cuscacoin huapaoni. Ascashon Diosi amapaiyai cuscan aru fusti huafafainpaoni Noé niyoatiancai rato futsan Diosi amapaiyai cuscan huapaonima.

Juan 7:7

Nan icoinra huafoma nan ua noicasmai. “Manfin chaca huamisiran,” un ato huamisiquin. Ascacun ua noicasmacani. Ua noicasmafiacaquicai mato noicasmatirofoma.

1 Corintios 1:11

Uhuun yoramishtichin Cloé ahuun yorafo uqui fucashon ua tapimanafo man fochishmanantananfafainaiton.

1 Corintios 11:18

Futsafo mato anoashu uqui fucashon ua yoiafo nan man ichanainticai man futsa chaima man tsaopaitiroma. Man ichananshon nocon Ifo Jesús mato nashoni shinanpaifiain mafi ranan man noinancasmatanain. Ascacufin un matohuunoa nicai cuscan un shinan atirifiracafin iconquin.

1 Corintios 5:1

Mun nicamisi mafi ranan man fasi chaca huaa tanancun. Apa ahuin ahua futsafia afu icacaini. Nanscara chacafocai nan icoinra huamafoan tsoa ascamisima.