Génesis 37:11 - Sharanahua: Diospan Tsain

¹¹ Ahuun ochi iyoafofo fasi aqui sinanifo ato niaifo ishquiai nicacanashu. Ascafiaino apan fasi shinanpaini.

Génesis 37:11 ပူးပေါင်းရင်းမြစ်များ

Génesis 24:31

Aqui nocoshon yoini, —Nocon Ifo Diosi mia shara huamisi. ¿Ahuuscai min nuno niamun? Munfin pushu shara huaquin min nanno oshashquin. Min camellofori umainti ano itiro. Nanfohuunshon mun ati shara huaran, —ishon Labán Abraham oinmati yoini.

Génesis 37:12

Ascano shafa futsa José ahuun ochifo Siquem chaimashta fonifo aton apan chashoanfo fasi funununshon ato pimai focani.

Génesis 42:9

Nantian atohuunoa namani cuscan José shinanni. Ato yoiquin isca huani, —Mancai tushu fipai fuama. Ascatamarocon noco mai fianpai man fua. Ascashu chipo afanan ahuuscashoma noco mai curushcain fianpai man fuushquin, —ato huani.

Lucas 2:19

Ascacun María ahuun nomuran fasi shinanpaoni nan nicafain oian cuscan. Ascashori, —¡Aicho! Diosin noco shara huashoanran, —ishon shinanpaoni.

Lucas 2:51

Ascashu ahua yafi apa fu Nazaret ano nasoni. Ascashon nantifi apa futan ahuan yonoaifo cuscan yafi yoiaifo cuscan nicacoinni. Ascatan furunmun yoia cuscan ahuan ahuun nomuran shinanfafaini.

Hechos 13:45

Fasi yorahuanrasi ichanannifo ato nicacani. Israelifoan oincani Pablo yafi Bernabequi sinanifo. Ascano yoiafo, —Pablonun noco yoiai cuscan chacacoin. Jesuscai Diospan facumaran, —ishon yoinifo. Ato roanifo.

Hechos 7:9

Nocon shunifoan aton ushto José noicasmacaquin yora futsa inannifo ahuun rafanan pui fishcaquin. Ascan José Egipto ano iyonifo nanno aton yonomisi inon. Asca huafiainfoan Upa Diosin José potanima. A fu imisi.

Gálatas 5:21

Futsan ahuara fianpaifain, rutumitsamisi icain, paunmisi icain, monoyanan pauncain nanscarafoansifin chaca huacaniquin. Un mato yoiyomisi cuscan oinfain. Ascara chacafocai Upa Diosin nantifi iquina ano nocotiroma afu iishquin.

Tito 3:3

Norifi nocon nomuranshon non amaquiri chaca shinanpaoni. Ascashu non yoitimacoin icain chaca futsa futsatapafo non huapaiyai cuscan huafain nocon nomuranshon non shinanchaca cuscan nannoricoinri non huapaoni. Nanfo nocon ifo ipaoni. Ascatarifi non iscara ipaoni. Non futsafohuunoa shinanchacafafainmisi icain futsafo aya cuscan fianpaitiashu non aqui shinanchacamisi icain non futsafo noicasmafain nofirananri non noicasmatananpaoni. Non nanscara chacafo huapaoni.

Santiago 4:5

Diospan tsain cununi isca huaquin, —Uhuun Yoshin Shara un mato ya rafumaniran, —ishon cununi. ¿Man shinanmun ipaitsi noco cunushoni? Man ahuara futsafo noiaiton oinquin ahuun Yoshin Shara fasi ahuun ointi isincointiro.

1 Samuel 18:8

Nan nicain Saúl ahuun nomuran Davidqui shinanchacai. Fasi sinacoinquin yoini isca huaquin, —David paratama diez mil rutuano ainfofo fanaincani. Asca uhuunoa fanaincaquin mil fusti rutuaran icashu fanaincani. Ascano samamashta David aton niaifo imapaitiroforan, —ishon Saúl ahuun nomuran shinanni.