Génesis 37:10 - Sharanahua: Diospan Tsain

¹⁰ José apa yafi ahuun ochi iyoafofo yafi chipocun anori yoiaiton apa Jacob yoini, —Upan, ascayamahuu. ¿Na namapan min oian cuscan raquiri mia yoiamun? ¿Iconmainquin un non min uhua non min ochifo non ushto non afoan non mia focushoniran? —ishon yoini.

Génesis 37:10 ပူးပေါင်းရင်းမြစ်များ

Génesis 27:29

Mani futsafo min oinmatifo inonfo. Mia ratoconun mai chachishononfo. Min yora mifu nanuafo min ato ifo inon. Afoanri mia ratoconun mai chachishononfo. Tsoan mia chaca huai nanfo Diosin ato chaca huapainon. Tsoan mia shara huai nanfo Diosin ato shara huapainonran, —ishon Isaac yoini.

Génesis 37:7

Non nantifi mau muran yonoi arroz cuscaran tashtui. Uhuunna fusti cayacafi niano matona fonhuinfafainaran, —ishon José ato yoini.

Génesis 37:9

Ascashon afanan José nama futsashon ahuun ochi iyoafofo yafi chipocun tapimani isca huaquin, —Ua nicacahuun un nama futsa un mato yoinon. Un fari non oshu non once fishifo un oian. Ua focushonaifoan, —ato huani.

Génesis 43:26

Ascacun José pushu ano nocoaiton nan fushoafo cuscan José inancoinnifo. Inancoincatan fuoshopacufoannifo.

Génesis 43:28

Afanan fuopacufoancatan cumanifo, —Nocon upa afin natian nia. Ahuuscaima shararan, —huanifo.

Génesis 44:14

Judá ahuun yorafoya nocoano José ahuun pushu muran ini. Nantifishon José fuoshopacufoannifo.