Génesis 34:30 - Sharanahua: Diospan Tsain

³⁰ Ascan Jacob ahuun facu rafu Simeón yafi Leví yoini, —Man ua fasi chacacoin hua. Nan Cananeofo futan Ferezeofoan natian ua noicasmacani. Uqui osinancani ua rutushcaquin. Noncai yora ichapama noco rutuquin finacoincaniran, —ishon Jacob ato yoini.

Génesis 34:30 ပူးပေါင်းရင်းမြစ်များ

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 12:6

Ascan Abram mai futsafo mapaifoicai Siquem mai ano noconi. Nannori ihui uhuapaton ahuun anu More ini. Nantiari Cananeofo nanno ipaonifo.

Génesis 13:7

Ascashu pashcanantaifoma Abram ahuun ina cushumisifo yafi Lotpan ahuun ina cushumisifo fochishmanantanancain asca huan tanannifo. Nan mai anori nantia Cananeofo yafi Ferezeofo icafo ini.

Génesis 34:2

Nannoa pushcohuai ahuun anu Siquem. Nan Hamor ahuun facu. Nan Hamor ahuun caifo Heveofo aton niaifo ini. Siquem Dina fuchitan achifain ahuun pushu muran iyoashu a fu ini.

Génesis 34:29

nan ahuarafo pushu murannoafo cuyofinifo. Man ainfofo yafi facufori ato iyonifo.

Génesis 34:31

Ascafiaiton cumanifo, —Siquem nocon shafo furomacoin cuscaran hua. Ascacun non atori copiquiri chaca huaran, —ishon cumanifo.

Génesis 46:26

Jacob yafi ahuinquin ahuun yorafo Egipto ano fonifo. Nantifi ahuun yorafoya sesenta y seis. Ahuun facufoan aton ahuinfocai tanan huanima.

Génesis 46:27

José ahuun facu rafu Egipto anoashu cainnifo. Ascano sesenta ahuun yorafo Jacob ahuun mai anoashu a fu Egipto ano fonifo.

Éxodo 5:21

Ascashon Israeli niaifofoan ato yoiquin isca huanifo, —Ascacun nan niaifo Faraón nocohuunoa shinanchaca. Ahuun yorafoanfin nocohuunoari shinanchacacaniquin. Matohuunfin nuaquin. Natian noco rutupaiquifin noco rututirofoquin. Diosimain mato onaintimapainonran, —ishon niaifofoan Moisés yafi Aarón yoinifo.

Deuteronomio 4:17

yoina ointsa iyamarai ina ointsa rami huayamafain puiya ointsa rami huayamafain

Deuteronomio 4:27

Man chaca huacun mato maifoti pashcanan huai. Nocon Ifo Diosin mato maifoti nichifiaqui mato fusti rasi nitun huatiro.

Josué 7:25

Ascatan Josué Acán yoini isca huaquin, —¿Ahuuscai min noco omitsisca huamun? Na shafatan nocon Ifo Diosin mia omitsisca huairan, —ishon yoini. Asca huatan nantifi Israelifoan Acán yafi ahuun yorafo non inafoya toquirinin tsacaquin futsaquin ato rutunifo. Ascashon ato coanifo.

1 Samuel 13:4

Ascano Saúl nantifi ahuun caifofo Israelifo tapimaquin isca huani, —Filisteofoan Gabaa aton cushumisi uhuapa ano uhuun ranushumua non Filisteofo aton ranushumuafo rutufain atirifi ichofain ato cushumisi uhuapacoin non chaca huaquin futsanifo. Ascano Filisteofoan natian noco fasi noicasmacoinran, —ishon Saúl ato yoini. Ascashon nantifi Israelifo ranushumuafo Saúl Guigal anoafo ichanan huani.

1 Samuel 16:2

—Ifon, uncai ari catiroma. Ua Saúl nicaquin ua rututiroran, —ishon yoini. —Moi facuoma iyotahuun. Nocoshon ato yoihuun min na ina ua rutushon nai cuscan uhuunoa yoisharafain ua cufinon, —ishon ato yoihuun.