Génesis 32:7 - Sharanahua: Diospan Tsain

⁷ Nicatan Jacob fasi ratucoin ahuuscamapaini. Ascano ahuun yorafo pashcanan rafu huani. Ascatari ahuun inafori ato pashcashoni. Chashoanfo non moifo non camellofori pashcashoni.

Génesis 32:7 ပူးပေါင်းရင်းမြစ်များ

Génesis 32:11

Ifon Diosin, ua numapun uhuun ochi Esaú ua rutunonma. Un ratucoin ainfofo yafi facufori noco rutui oi.

Génesis 32:3

Jacob ahuun yonomati rafu ahuun ochi Esaú mai Seir nan Edom ari nichini iyoa yoisharatanon. —Uhuun ochi yoishotacahuun isca huaquin. “Min ushto mia yoi isca huaquin, ‘Ochishtan, un miqui samamashta nocoshquicai. Nocon coca Labán un a fu iyopaonitian.

Génesis 32:8

Ascashon Jacob shinanni, —Uhuun ochin shoco futsan rutuaino shoco futsari ichoi focaniran, —ishon shinanni.

Génesis 33:1

Nantian Jacob oinni ahuun ochi Esaú fu cuatro cientos nocofunufo fuaiton oinquin ahuun facufo ato pashcanan huapani. Atirifi Raquel inanfain atirifi Lea inanfain atirifiri ahuun yonomati rafu inanni.

Génesis 35:3

Man ascahuano non Betel ari cai. Un omitsiscanitian un Upa Diosi cufinni. Un cufiain cuscan ua nicaquin ua numani. Un anoashu caacun ua cushusharani. Ascan nanno un toquiri putsashquin anoshon afanan Upa Dios cufinshquinran, —ishon ato yoini.

Salmos 107:6

Ascashon nocon Ifo Diosi cunanifo isca huaquin, —Ifon, man non omitsiscai naicai. Noco numapun, —ishon cunanifo. Ascaiton ato numani afanan omitsiscanonfoma.

Éxodo 14:10

Israelifo Faraón yafi ahuun yora Egipciofo chaimashtacunoa fuchitan fasi ratucoinnifo. Ascashon oi ashcafinin nocon Ifo Diosi cufinnifo ato numanon.

Mateo 10:16

Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.

Mateo 8:26

Ascaino moinacahuan noco yoini —¿Ahuuscai man ratuain? Man ua icoinra huasharashucai man ratucuanama, —ishon noco yoini. Ascatan fuuhuan yafi ian fuchomanhuan yoiqui isca huani, —Fuun nishmahuu, —huafain, —Fuchomanhuan nishmahuu —huaino fuu yafi ian fuchoai nishmafaini. Asacatan ianmanhuan pusiquima racani.

Juan 16:33

Un mato yoiafo uhuunshon maton ointi man unimamafain man isharanon. Nuno icoinra huafoma murannoashu omitsiscafiacaquin shinanchacayamacahuun. Un Satanás yafi icoinra huafomati finoncoianquin. Ascan un mato cushuicai, —ishon Jesús noco yoini.

Hechos 14:22

Nanno Jesús tanamisifo Diosin tsain yoinifo aton ointi fupihuamashquin Jesús tanaquin finacoinnonfo. —Diospan tsain cachiquiri huayamacahuun. Jesús fusti icoinra huacahuun. Upa Diosin nantifi iquina ano non nocoataima non niyoashu non fasi omitsiscatiroran, —ishon ato yoini.

2 Timoteo 3:12

Icon. Ratoranfo nocon Ifo Jesucristohuunoashu isharapaiyaifo omitsisca huashcani.