Génesis 32:29 - Sharanahua: Diospan Tsain

²⁹ Nicaquin Jacob yoini, —Min anu ua yoipun, —huaiton. —¿Ahuuscai min uhuun anu tapipaimun? —huani. Dioshuunshon yoisharapaiyai cuscan nocofunun Jacob yoini.

Génesis 32:29 ပူးပေါင်းရင်းမြစ်များ

Génesis 17:5

Natianri un mia anu futsai. Mincai afanan Abram iquima. Abram tsain futsaman, “Aton upa niaifocoinran.” Ascan nan afanan min anuma. Natian un mia anu futsa tuqui huai. Min anu Abraham. Tsain futsaman, “Mani ichaparasi min aton upa cuscara,” min anu itiro.

Génesis 35:10

Yoini isca huaquin, —Minfin Jacob. Natiancai min afanan Jacobma min anu Israeliran, —huani. Ahuun anu futsan tuqui huatan Diosin yoini,

Génesis 35:9

Jacob Padán-aram anoashu nasoano Diosin afanan aqui niinacahuani. —Un mia shara huairan, —ishon yoini.

Números 20:14

Ascano Israelifo chipo focanashu Moisés nocofunufo mai futsa ahuun anu Edom ano ato nichini aton niaifo ahuun tsain tapimashquin isca huaquin, —Niaifon, nonfin mato yora futsa Israelifoquin. Man min tapia non foanfafainni fasi omitsiscamisi.

Lucas 1:19

Afanan cumaquin, —Unfi Gabrielquin. Un Dios fu imisi. Ascacun nanton ua nichian un ahuun tsain shara mia yoinon.