Génesis 32:24 - Sharanahua: Diospan Tsain

²⁴ Ascano yamunacucahuanaino nocofunu aqui noconi a fu achinanshu shafacoinnifo.

Génesis 32:24 ပူးပေါင်းရင်းမြစ်များ

Génesis 18:2

Ascano Abraham funinacahuan nan nocofunu rafu non fusti chaimashta nicun fuchini. Ascaiton oin pano pushu caincaiti anoashu atoqui nocoriscatan ato tutishopacucahuani.

Génesis 30:8

Ascan Raquel yoini, —Natian uhuun chipi un finoin. Ascacun uhuun facu un anui Neftalí, —ishon yoini.

Génesis 32:25

A fu iquinanyamacaiquin chitucufain coshani. Asca huanocai ayacai nisharanima.

Génesis 32:28

—Min anu afanan Jacob itiroma. Un mia anu futsa tuqui huai. Min Diosinna fipaiyai cuscan mia inan. Ascan nocofunuhuunoa fipaiyai cuscan nanri mia inan. Ascan man min finoncoian. Ascano natian min anu Israel iishquiran, —huaiton.

Génesis 32:30

—Un Diosi fuso oinfiaitocai ua namamanamaran, —ishon Jacob yoini. Ascashon nannoa nan mai anuni Penuelran ishon yoini.

Génesis 48:16

Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

Éxodo 14:27

Nan noco Ifo Diosin Moisés yonoai cusca ununhuan manaon mushaino afanan ununhuan nan imisi cuscaracoin itanaino Egipciofo ununhuan cusumunri ichopaifiacanicai tsoan raquishta ichotiro inima. Nocon Ifo Diosin nantifi ato asaquin futsani. Ascano nantificoin nai futsunifo.

Daniel 10:8

Ascan urus fusti nan namatiro cuscan un oinni. Ascan un samamashta shaca fuai mutsa un muni. Uhuun fusori fasi pashicoin ini. Uncai ahuara huatiro un munima fasi pachicoin un muni.

Lucas 13:24

Ascaiton Jesús ato cumaquin isca huani, —Uhuun Upa icanocai atirifi iquitirofoma. Ascacun nan un mato yoiai cuscacoin nantifi huacahuun. Nan fai atsoshta tanashcaquin. Ascashon marifi Diosin tsain tanasharacoincahuun iquisharashcaquin. Yora ichapafo iquipaifiacanicai iquitirofoma.

Lucas 22:44

Asca huaino fasi curushcain Jesús Apa cufini fasi ahuun nomuran nan omitsiscai cuscan shinanquin. Ascaino imi foya niscan maiiqui futosomuni.

Romanos 15:30

Tsain futsari un mato yoipai. Man nocon Ifo Jesucristo noishon ahuun Yoshin Sharahuunshon uari noiquin ua Upa Dios cufishocahuun un yonosharashonon ahuaton ua nitun huanonma.

1 Corintios 15:47

Diosin nan nocofunun Adán onihuaquin tau huani. Mai mapohuunoa onihuani. Cristori nocofunufiacun afin nai murannoashu nocoqui fotoni. Tsoancai onihuanima.

Efesios 6:12

Non Jesús tanasharaitocai yorafoan noco unumatiroma. Ascatama nan yoshin chaca Satanás yafi yoshin chaca futsafoanri noco curushcain chaca huamapai. Nanfo non oinyamafiatiro noco asca huapaifafaini. Nanfoan icoinra huafoma yonofafaini chaca huanonfo. Nan yoshin chaca ichapafoan.

Efesios 6:18

Ascacun Diospan Yoshin Sharahuunshon Dios unutama cufifafaincahuun. Aqui mutoi futsucaquima. Ahuara futsa ahuuscarai cuscan Upa Dios cuficahuun. Ointiaquimacaquima. Upa Dios cufifafaincahuun. Nantifi Jesús icoinra huafo ato cufishofafaincahuun.

Colosenses 2:1

Uhuun yoramishtichin, un mato tapimapai. Matohuunshonfin curushcain un mato Upa Dios cufishofafaini Laodicea anoafo futan futsafoanri ua oianmafiamisifoan nanfori un ato Upa Dios cufishofafaini.

Colosenses 4:12

Epafras matofu iyopaoniton arifi mato yoisharapai. Nanrifi nocon ifo Jesucristo ahuun oinmati. Ascashon nanton mato Upa Dios cufishoqui isca huafafaini, —Upa Diosin min ato amapaiyai cuscan nantifi ato amahuu ahua futsa shinanonfoma. Ascashu min Furun Jesús ointi cuscara shara inonfo, —ishon nannori un mato Upa Dios cufishoquin huafafaini.

Hebreos 5:7

Jesús mai ano iyoashu omitsiscapaoni. Ascashu nocohuunoashu naitian oi ashcafinin uaiyanan Apa Dios cufinquin isca huani, —Upashtan, mian numapaiquin mian numatiro un nanonma. Ascafia un apaiyai cuscan huaima nan mian amapaiyai cuscan fusti ua huahuun, —ishon Apa Dios yoini. Ascashon nan Apa amapaiyai cuscan fustisi shinanquin cufiai cuscan nicacoinni.

Josué 5:13

Josué Jericó chaimashta nishon nocofunu ahuun nopu tsomashu nia oinni. Ascano Josué aqui caashon yocani, —¿Min no fu ipaiyamarai noco noicasmaifo fu min iquimun? —ishon yocaiton.