Génesis 32:10 - Sharanahua: Diospan Tsain

¹⁰ Un ahuara shara hua rafanancai mian shara huama. Mian yoia cuscan min acoinna. Uhuun upa mai ariashu un unu Jordán pocufuranitiancai un ahua ya inima. Natian un yora shoco rafu aya.

Génesis 32:10 ပူးပေါင်းရင်းမြစ်များ

Génesis 18:27

Ascaiton Abraham afanan cumani, —Uhuun Ifon, minfin Dioscoinquin. Unfin nocofunu ahuamafiashon un afanan mia yocapai.

Génesis 24:12

Ascano Abraham ahuun oinmatinin Upa Dios cufinquin isca huani, —Nocon Ifo Diosin min uhuun ifo Abraham ahuun Diosi. Na shafata ua ashopun uhuun ifo Abraham ua yonoa cuscan un ashonon. Uhuun ifo Abrahamhuun ramapaihuun shara huahuu.

Génesis 24:27

Cufinquin isca huani, —Aicho, uhuun Ifo Diosin, min fasi shara. Min uhuun ifo Abraham yoimisi cuscan aa. Min ahuun ramapai. Mianri cushushara. Min nuno ua ihuua uhuun ifo Abraham ahuun yorafo un oinon, —ishon cufinni.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 28:15

Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Génesis 30:43

Nansca huai Jacob ahuara ichapayacoin. Chashoanfo ichapaya icain nocofunu yonomatifo ichapa icain ainfofo yonomatifo ichapaya icain ina camello ichapaya icain burro ichapaya ini.

Génesis 31:3

Ascacun Upa Diosin Jacob yoiquin isca huani, —Min upan mai ari nasohuun. Nanno min yorafoquin. Min caitian un mi fu cairan, —ishon yoini.

Génesis 32:5

Natian un moi ichapayacain burro ichapayacain chashoanfo ichapayacain uhuun yonomati ichapa nocofunufo non ainfofori. Ascacun uhuun ochin, natian un mia tsain fomai min uhuunoa shinansharapainonran,’ ” ishon uhuun ochi ua yoishotahuun, —Jacob ahuun yonomati yoini.

Génesis 32:7

Nicatan Jacob fasi ratucoin ahuuscamapaini. Ascano ahuun yorafo pashcanan rafu huani. Ascatari ahuun inafori ato pashcashoni. Chashoanfo non moifo non camellofori pashcashoni.

Salmos 16:2

Unfin uhuun Ifo yoia isca huaquin, —Minfin uhuun Ifoquin. Min ua shinansharamayamainocai ahuara shara un shinantiromaran, —ishon un nocon Ifo Diosi yoini.

Lucas 17:10

Nanscarifiai Diosin mato yonoa cuscacoin aquin marifi yoicahuun isca huaquin, “Noncai ahuama. Nofi tau huafaincai non acama. Nocon Ifoan noco yonoa cuscan non acaran,” ishon yoicahuun, —Jesús ato huani.

Lucas 5:8

Nan Simón Pedro futan nushumisi rafu Santiago yafi Juan Zebedeo facu rafu inifo. Nan rafu non fustifain nushumisicoinfo. Ascaiton ato futan nushumisi futsafoanri shasho rafu fospicoian oincani mustairicatan yoinifo. —¡Oincapon! ¿Ahuuscashomun shiman ichaparasi fiafoquin? —icashu atoqui yoinannifo. Ascaiton oin Pedronun shasho naquishon Jesús ratoconun mai chachishon yoini, —¡Ohua! Ifon ufin nocofunu chacaquin. Asca minfin sharacoinquin. Chaca yafi sharacai ositiroma. Ascacun umaquinoashu catapun, —Pedronun huaiton. Jesús cumaquin, —Ratuyamahuu. Min shafatifi nushumisifiashon natian min uhuun Yoshin Sharahuunshon uqui yorafo ihuushqui ua icoinra huanonfo, —ishon Jesús Pedro yoini.

2 Corintios 12:11

Nan yora ahua tapiamafoan yoitiro cuscan un mato rama yoia. Un mato anori yoifiafin matohuun nuaquin. Asca ufiri yoimuisharatama mancairocon uhuunoa yoisharafin shara icuanaquin. Nan futsafoan mato paran. —Nonfin Jesucristo fu rafumisisharaquin, —ishon mato parafiamisifo man ato icoinra huamisi. Ascan uacaifin man icoinra huaquin finacaitiroquin. Un ahuamafiacucai afoan ua finoncoianfoma.

1 Pedro 5:5

Nanscarifiai pushcofoan iyoafofo nicasharacahuun mato yoiaifo cuscan aashcaquin. Pushcofoan iyoafofoya shara huatanancahuun. “Upa Diosicai cacapaimisifo cuscara tapipaima. Ascashon nan cacapaimisifo ato onaintimashqui. Ascan nan tsii huatananmisifofin shara huashoshquiquin. Nan cuscarafohuun Upa Diosin atohuun ramapaiquin ato shara huashofafainshquin,” ishon Diospan tsain cununi.