Génesis 31:41 - Sharanahua: Diospan Tsain

⁴¹ Nanscasi un amisi veinte fari mihuunoashu yonoi. Un mia yonoshona mucu rafuti non tau nushmancayanoati fari min facu rafu fiishquin. Un mia sharahuashofiamisi natian mian chaca huai. Un mia yonoshona rafanan uhuun pui min ua mucu rafuti huaquin shucamisi.

Génesis 31:41 ပူးပေါင်းရင်းမြစ်များ

Génesis 27:44

Nanno iyohuu min ochi matsipacuyonon afanan min chaca hua cuscan shinainmaquin. Afanan miqui sinaquima mia yoimani min nuno nasonon. Uncai nan shafa fusti uhuun facu rafu un funopaimaran, —ishon yoini.

Génesis 29:15

Ascatan Jacob ato fu oshu fusti finonni ahuun coca Labán yoini, —Min uhuun yorafiashon min ua cashman yonomatiroma. Min fipaiyaiti ua yoihuu mia inanon, —huaiton.

Génesis 30:28

Mian yonoshon ahuun rafanan min fipaiyaiti ua yoihuun un mia inanon, —huaiton.

Génesis 31:38

Un mi fu veinte fari icai chaincai chashoanfo chaca cainmisifoma. Uricai piyomisima.

Génesis 31:40

Un mihuunoashu un fasi omitsiscamisi. Shafatifi ua fari tsacaino yamurifi un matsinacoinmisi.

Génesis 31:6

Manfin tapiaquin un min upa curushcai yonoshomisi.

Génesis 31:7

Ua parafafainni. Uhuun yono ua shucapacufoanna. Ascafia Upa Diosin ua cushushara maton upa ua ahuusca huanonma. Ascatamarocon ua yoini min yonoa rafanan mun mia chashoan cunuyafo inainran ua huani. Ascan Diosin yononi nantifi chashoanfo ato facu cunuyafo. Chipo ua yoini min yonoa rafanan un mia ina raonyafo inainran ishon ua yoini. Ascan Diosin yononi nantifi chashoanfo ato facu raonyafo.

1 Corintios 15:10

Diosin uhuun ramapaiyaino unrifi un afu rafumisi. Ascashon ua imapaiyai cuscacai un ayamama. Mun aca. Un nanscaquicai ua ipaitsi catonnima. Un ascashu un afu rafumisifoan yonoshonaifo cuscan uncaifin fasi yonoshoquin finacoinshonaquin. Ascafia uficai un ahuun yonoshomisi icama. Uhuun ramapaicai ua catonni un ahuun yonoshomisi inon.

2 Corintios 11:26

Un cahuancacainaichain manifoti Jesushuunoa yoishquin nan unu coshicoiain fasi musucoin muran icain ua yomutsofoan achicashon ua musuni tapifain uhuun caifoncoinchi ua musuni tapifain nanscarifi aquin uhuun caifomafoan ua musuni tapifain. Pushurasifo anoafoanri ua musuni tapifain tsoan istaipama anoafoanri ua musuni tapifain unuhuan musuni muran futsafoan yoiquin isca huafo, —Norifi non Jesús Ifo huaran, —ifiacashon parafo. Nanfoanri ua musuni tapifain.