Génesis 31:3 - Sharanahua: Diospan Tsain

³ Ascacun Upa Diosin Jacob yoiquin isca huani, —Min upan mai ari nasohuun. Nanno min yorafoquin. Min caitian un mi fu cairan, —ishon yoini.

Génesis 31:3 ပူးပေါင်းရင်းမြစ်များ

Génesis 21:22

Ascan nantiari niaifo Abimelec futan ahuun ranushumuafo aton niaifo Ficol Abrahamqui noconi. Abimelec Abraham yoiquin isca huani, —Min ahuara huaiti Diosin mia ashomisi.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 28:15

Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Génesis 28:4

Upa Diosin min shota Abraham yoiyoni cuscan mia non min funafori nannori yoiquin. Nuno non icanocai nocon maima. Diosin min shota Abraham yoiyoni cuscan nan mai futsa noco inanshquin nocona inon, —ishon Isaac furu Jacob yoini.

Génesis 30:25

Raquelpan facu José caiano Jacob Labánqui cani yoicai, —Un cainni mai ano ua nichihuun.

Génesis 31:13

Min Betel ano toquiri putsainishon ua cufinni. Nannori min yoini min ua tanasharashquin. Ascan natian min coca mai anoashu cariscatahuun. Min cainni ano nasoriscahuun,” —ishon ua yoia, Jacob yoini.

Génesis 31:2

Jacob oian Labán aqui ipaoni cuscan atama aqui shinanchacani.

Génesis 31:4

Ascashon Jacob ahuin rafu Raquel yafi Lea cunani nan chashoanfo cushu ano aqui funonfo.

Génesis 32:10

Un ahuara shara hua rafanancai mian shara huama. Mian yoia cuscan min acoinna. Uhuun upa mai ariashu un unu Jordán pocufuranitiancai un ahua ya inima. Natian un yora shoco rafu aya.

Génesis 32:5

Natian un moi ichapayacain burro ichapayacain chashoanfo ichapayacain uhuun yonomati ichapa nocofunufo non ainfofori. Ascacun uhuun ochin, natian un mia tsain fomai min uhuunoa shinansharapainonran,’ ” ishon uhuun ochi ua yoishotahuun, —Jacob ahuun yonomati yoini.

Génesis 32:9

Chipo Upa Dios cufinni isca huaquin, —Uhuun Ifo Diosin, uhuun shota Abraham yafi uhuun upa Isaac min aton Diosiri. Uhuun raisi mai anoashu un cataima mian yoia, “Mia ichapa inainran,” mian huani.

Génesis 35:1

Asca huatan Diosin Jacob yoini, —Funinacahuu. Pushu rasi Betel ari catahuun nanno iyoshquin. Nanno toquiri putsainiqui huashon ua cufinhuun. Min ochi Esaú anoashu ichoaitian min ano icun un mia oinmariscatani. Nannoshon mian cufintiro, —ishon Diosin yoini.

Génesis 35:3

Man ascahuano non Betel ari cai. Un omitsiscanitian un Upa Diosi cufinni. Un cufiain cuscan ua nicaquin ua numani. Un anoashu caacun ua cushusharani. Ascan nanno un toquiri putsashquin anoshon afanan Upa Dios cufinshquinran, —ishon ato yoini.

Génesis 50:24

Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.

Salmos 46:1

Diosin no fu ishon noco cushushara. Ahuun curushu noco inain. Ahuara chaca non finoainnofin nan noco fu imisiquin noco ashoshquin.

Éxodo 3:12

—Unfin mi fu ishquicai. Min caifo Israelifo Egipcio mai anoshon iyoaitian nan machi Horeb anoshon man ua cufinshquinon. Ascashon min tapitiro un mia ya min yorafo nan Israelifo ano nichiaran, —ishon yoiaiton.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.