Génesis 31:24 - Sharanahua: Diospan Tsain

²⁴ Nan yamutan Labán ahuun namapan Diosin aqui oshon yoini. —Ua nicasharahuu. Jacob tsain curush yoiyamahuun, —huani.

Génesis 31:24 ပူးပေါင်းရင်းမြစ်များ

Génesis 20:3

Ascafia Abimelec yamu oshashon ahuun namapan Diosin aqui nocoshon yoiquin isca huani, —Natian min natiro min Sara fiashu. Aafin nan nocofunu futsan ahuun ahuinquin, —ishon yoini.

Génesis 20:6

Ascan Diosin ahuun namapan afanan yoini, —Ai. Mun tapia min nomuran shinanchacashoncai min Sara fiama. Ascacun un mia shatumana min ua chaca huanonma. Ascacun un mia shatumayamaino min Sara fu icuana.

Génesis 24:50

Betuel futan Labán cumanifo, —Nocon Ifo Diosin mia nichicun noncai mia Rebeca fishcotiroma.

Génesis 28:5

Asca huatan Isaac ahuun furu Padán-aram mai ari nichini. Ascan Jacob ahuun coca Labán pushu ari cani. Nan Labán Betuel facu ini. Betuel Arameo ini. Ahuun facu Labán Rebeca ahuun ochi. Rebeca Jacob futan Esaú ahua ini.

Génesis 31:10

Ascano Jacob ahuun ahuin rafu yoini isca huaquin, —Inafoan imiaiton ahuin chotatiro. Ascan uhuun namapan un oinni cabra ina funufoan ahuin raonyafo non cunuyafo chotaiton.

Génesis 31:11

Ascano nan namapan Diospan oinmati a fu nai muran icaton ua cuna, “Jacob,” ua huaiton. “Uquian. Un nunoran,” ishon un cuma.

Génesis 31:23

Tapitan ahuun yorafo futan mufainnifo siete osha finontan machi Galaad ano atoqui noconifo.

Génesis 31:25

Machi ahuun anu Galaad ano Labán Jacobqui noconi. Nanno pano pushu muran Jacob ica ini. Ascashon Labán arifi nanno pano pushu huani.

Génesis 31:29

Un chaca huapaiqui mia chaca hua cuana. Ascafia uhuun namapan min upa ahuun Diosin ua yoia, “Jacob tsain curush yoiyamahuun,” ua hua.

Génesis 31:42

Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.

Génesis 31:7

Ua parafafainni. Uhuun yono ua shucapacufoanna. Ascafia Upa Diosin ua cushushara maton upa ua ahuusca huanonma. Ascatamarocon ua yoini min yonoa rafanan mun mia chashoan cunuyafo inainran ua huani. Ascan Diosin yononi nantifi chashoanfo ato facu cunuyafo. Chipo ua yoini min yonoa rafanan un mia ina raonyafo inainran ishon ua yoini. Ascan Diosin yononi nantifi chashoanfo ato facu raonyafo.

Génesis 41:1

Nan ayati fushomisi cunu murannoa cainmanaitian fari rafu finoanno Faraón namani. Ahuun namapan oian Nilo unu cusumun nia ini.

Números 12:6

—Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

Mateo 2:12

Ascashu nanno oshayoafoan aton namapan Diosin ato yoiquin isca huani, —Afanan Herodes ari foyamacahuun. Fai futsan mato mai ari fotacahuun, —ishon Diosin ato yoini. Ascacucai Jerusalén ano fonifoma.

Mateo 27:19

Ato yocatan tsaoshon manani cumaifoan nicapaiquin. Ascaino ahuinin cunu fuma aqui noconi. Cunun yoiqui isca huani, —Nan nocofunu Jesús shara. Ahua chaca huamaquin. Ahuusca huayamahuu. Uhuun namapan un oian ahua chaca huayamafiashu omitsiscaiton oin urifi uhuun nomuran ahuunoashu un omitsiscacoinna. Ascacun ahuusca huayamahuu, —ishon Pilato ahuinin cunushoni.