Génesis 31:1 - Sharanahua: Diospan Tsain

¹ Ascano Labán ahuun facu pushcofoan yoiaifo cuscan Jacob nicani. Yoinifo isca huaquin, —Natian Jacob ahuara ichapaya. Nocon upa aya cuscan man fianran, —ishon yoinifo.

Génesis 31:1 ပူးပေါင်းရင်းမြစ်များ

Génesis 30:43

Nansca huai Jacob ahuara ichapayacoin. Chashoanfo ichapaya icain nocofunu yonomatifo ichapa icain ainfofo yonomatifo ichapaya icain ina camello ichapaya icain burro ichapaya ini.

Génesis 31:2

Jacob oian Labán aqui ipaoni cuscan atama aqui shinanchacani.

Génesis 31:43

Labán cumani isca huaquin, —Min ahuin rafufin uhuun facu rafuquin. Ahuun facufori uhuun chatafo. Chashoanfofin uhuunaquin. Nan min oiainfofin nantifi uhuunaquin. ¿Natianmun uhuun facu rafu un ahuusca huaicai uhuun chatafoyafi?

Génesis 45:13

Egipciofoan ua niaifo hua cuscan uhuunoa yoisharamisifo upa yoifain nantifi man nuno oian cuscan upa tapimatacahuun. Yoitan upa nuno ua ihuushoriscacahuun, —ishon José ahuun yorafo yoini.

Salmos 57:4

Nan yora chaca masharo cuscarafoan ua chaca huapaicani. Masharonun ato shutafo cunocoinshon yora piquin cuyotiro. Nanscarifi ai nan chacafoan ua tarati huayacuna ua omitsisca huamashcaquin. Uqui tsain chaca huacaquin uhuunoa yoiaifono uhuun nomuran ua isinmapaicani.

Mateo 4:8

Ascaiton afanan Satanás Jesús machi cuyamamaquin iyoshon nan manifoti sharashtacoin oinmani.

Tito 3:3

Norifi nocon nomuranshon non amaquiri chaca shinanpaoni. Ascashu non yoitimacoin icain chaca futsa futsatapafo non huapaiyai cuscan huafain nocon nomuranshon non shinanchaca cuscan nannoricoinri non huapaoni. Nanfo nocon ifo ipaoni. Ascatarifi non iscara ipaoni. Non futsafohuunoa shinanchacafafainmisi icain futsafo aya cuscan fianpaitiashu non aqui shinanchacamisi icain non futsafo noicasmafain nofirananri non noicasmatananpaoni. Non nanscara chacafo huapaoni.

1 Pedro 1:24

Un mato ahuara futsa tapimapai man tapisharanon. “Faasi taui foaisharafiashu chipo samamashta tsasitiro. Charofori taui sharashtacoin iyofiashu chipo samamashta tsasitiro afanancai non ointiroma. Nanscarifiai nantifi yoraforicai chai nipatirofoma. Nantifi non nai futsushquin.