Génesis 30:27 - Sharanahua: Diospan Tsain

²⁷ Ascaiton Labán cumani, —Raisin, u fu nitupun. Shoiti cuscara ua tapimana minhuunshon Diosin ua shara huai.

Génesis 30:27 ပူးပေါင်းရင်းမြစ်များ

Génesis 12:3

Ascan tsoan mia shara huacun unri ato sharahuai. Tsoan mia chaca huacun unri ato chaca huashquin. Nantifi yora maitio anoafo mihuunshon un ato shara huashquin, —ishon Diosin yoini.

Génesis 18:3

Ascashon ato yoini, —Uhuun yorafoan. Un icanoshon tunuyoifocahuun. Un mato unu fishonon man ocho comucain ihui mata toca namanshon tunuyoshcaquin.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 30:30

Un miqui nocoquin oian min ahua ichapaya inima. Natian uhuunoashu min ichapaya. Uhuunshon Diosin mia shara huamisi. ¿Ahuutia uhuunacoin un yonoqui tau huaimun? —ishon yocaiton.

Génesis 33:15

—Shara, ushton. Ascan uhuun oinmati ranan un mia nichishoni mi fu fononfo, —huaiton. —Ma, ochin. Uncai mia fucash huaima, —ishon yoini.

Génesis 34:11

Ascaino ahuun facu Siquem arifi Jacob yafi ahuun facufo yoini isca huaquin, —Uhuun shinansharapun. Un Dina fasi fipaicoincai. Man ua yocai cuscan un mato inantiro man finon.

Génesis 44:5

¿Ahuuscai man ahuun cucho sharashta faca facaitsa man onuamun? Nanhuun niaifoan ayafain nanhuunshonri tapitiro ahuara ahuuscarai cuscan. Man fasi chaca huaran,” ishon ato yoitahuun, —José yoini.

Génesis 47:25

Ascaiton cumanifo, —Niaifo, min noco fasi shara hua non foni nama. Minhuunoashufin non isharaquin. Min nocohuunoa shinansharapainon. Nonfin Faraón yonomamisifo itiroquin, —ishon yoinifo.

Salmos 1:3

Nanscarifi ai nan ihui unu chaima fana cuscaran non itiro. Unu chaima ihui fanashu ahuun fimi ichapaya itiro. Ascashu ahuun puiricai tsasipacunacama. Nanscarifi ai non nocon Ifo Diosi tana sharashu non isharacain non futsafori ato shara huashotiro. Nantifi non acai cuscan sharacoin iishquin.

Éxodo 3:21

Unfin Egipciofo matohuunoa shinanmasharashquicain. Ascano aton niaifoan ahuun mai arishon mato nichiaitian ahuun yorafoan mato ahuara sharafo inanshquin man fotanon.

Daniel 1:9

Ascan nocon Ifo Diosin yonoa cuscan Aspenaz niaifo Danielhuunoa shinansharai ahuun ramapaini.

Números 11:11

Ascashon Moisés nocon Ifo Dios yoini isca huaquin, —Ifon, unfin min yonomatiquin. ¿Ascacun ahuuscaimun mian isca huaicai? Un ahuara chaca huamainquin mian catoan na yora shinanchacamisifoan ato niaifo un inon.

Números 11:15

Uhuun Ifon, min ua nanscara huapaiquin natian ua namahuun. Min ua noicoianmainquin ua namahuun un afanan na yorafohuunoashu omitsiscanonma, —ishon Moisés nocon Ifo Diosi yoini.

Hechos 7:10

José omitsiscafiaiton Upa Diosin numani ahuun nomuran shinansharamani. Ascano Egipcio niaifoan Faraón fasi José fuchipaipaoni. “Min niaifo patashari itiro. Nantifi uhuun yorafo non uhuun caifo min ato nantifi yonotiroran,” ishon Egipcio niaifoan José yoini.

1 Samuel 16:22

Saúl fasi Davidhuun noicoinquin apa Isaí tsain fomani isca huaquin, —Un Davidqui fasi unimai. Ascan ua David yoishopun u fu nitutiromainquin uhuun oinmati iishquin, —ishon Saúl Isaí yoini.