Génesis 30:20 - Sharanahua: Diospan Tsain

²⁰ Ascan Leapan yoini, —Diosin ua inansharacoian. Afanan un facu futsa uhuun funu inan. Natian uhuun funun uhuunoa shinain unmain ashoyamacufin. Ascacun na facu u anui ahuun anu Zabulón, —ishon yoini.

Génesis 30:20 ပူးပေါင်းရင်းမြစ်များ

Génesis 29:34

Ascashon afanan facu futsari nanuni. Nanri furonanfacu cainni. Ascan Leapan yoini, —Natian uhuun funun u fu fasi ipaitiro un furonanfacu rafunon fusti ishocun. Ascano ahuun anu Leví iishquinran, —ishon yoini.

Génesis 30:15

—Mian uhuun funu ua fian. ¿Natianmun mandrágori mian fianpaicai? —huaiton. —Mian mandrágora inanfin uhuun funu fu na yamu min oshatiroquin, —huani.

Génesis 30:19

Ascano afanan ahuun unutaqui cuana facu nanumani.

Génesis 30:21

Ascashon ahuun unutaquin Leapan afanan facu nanuni. Ainfacu caincun anuquin Dinaran huani.

Génesis 34:12

Shinanyamacahuun a man ua yocai cuscan. Man ua paratamacoin yocain cuscan un fasi fipaicoinquin un mato inain. Ascacun ua inancahuun u fu fiananon, —ishon ato yoini.

Génesis 35:23

Jacob ahuin Lea ahuun facufo Rubén nan Jacob ahuun facu iqui tauni. Acachorinoa ahuun puhuua Simeón, acachorinoa Leví acachorinoa Judá chipocun Isacar non ahuun facu chipocucoin Zabulón.

Génesis 46:14

Israel ahuun facu futsa Zabulón. Nan Zabulón ahuun furunfo Sered non Elón non Jahleel.

Génesis 49:13

Zabulónfin ununhuan cusumunri iishquiquin. Nanno fai fotoano shashohuan rutiatirofo ahua chaca finononma. Nan pushu rasi Sidón ano ahuun mai noconan.

Mateo 4:13

Nan Nazaret anoashu pushconi. Nannoashu Capernaum ano cani atofu iyoicai. Nan Galilea ian cusumunri Capernaum ini. Nannori mani rafutan ato mai Zabulonfo yafi Neftalifo icafo.

1 Samuel 18:25

Nicashon Saúl ato yoini isca huaquin, —David yoihuun isca huaquin, “Nan cien Filisteofo min rutuafin min uhuun facu fitiroquin. Nan ua noicasmaifofin un copiquin ato rutupaicain,” —ishon Saúl ato yoini. Ascafiashon ahuun nomuran shinan futsani. —David cien Filisteofo rutupaiyaino nanfoancaifin David rutushquicaniquin, —ishon ahuun nomuran shinanni.