Génesis 3:23 - Sharanahua: Diospan Tsain

²³ Ascashon nocon Ifo Diosin Adán yafi Eva nan mau Edén anoshon mai futsa nichini anoshon mau huanon.

Génesis 3:23 ပူးပေါင်းရင်းမြစ်များ

Génesis 2:7

Ascatan nocon Ifo Diosin mai fishon yora huaquin futsashon nocofunu onihuani. Asca huatan ahuun ruchocoqui ashaitanaino nocofunu shacaina cahuani ninon. Ascatan Diosin nocofunu oni huaquin tau huaniquin.

Génesis 2:8

Asca huashon nocon Ifo Diosin nan fari oaiquiri mau ano fanashon. Nan nocofunu oni huatan mau ano nichini. Ascashon nan mau anuquin, “Edénran,” huani.

Génesis 3:19

Min yonoifin niscamanhuancain yonoicain tushu piishquin nan min naitian. Un mia mai oni huani. Ascan nan min naitian afanan min mai onishquiran, —ishon Diosin yoini.

Génesis 3:22

Asca huatan nocon Ifo Diosin yoiquin isca huani, —Natian nocofunu man noco cuscara ica. Ahuara shara tapifain ahuara chacari tapian. Ascan nan fimi futsan ahuun anu nan piashu yora nipatiro. Ascacun na mau Edén muranshon non ato nichitiro nan fimi pinonfomaran, —ishon Diosin yoini.

Génesis 3:24

Ascashon Diosin ahuun oinmati nichini nan mau Edén anoashu chi sanacufainon nopu cuscaran. Afanan tsoa Edén muran iquinonma nan fimi piashu nipatiro pinonfoma.

Génesis 4:12

Nanno min mau huafia yonofo foaisharashquima. Ascashu min cahuacacaifiaquicai min tunushquimaran, —ishon nocon Ifo Diosin Caín yoini.

Génesis 4:2

Ascan afanan chipo facu nanuni. Naan caincuri anuni, Abel. Naan Caín ahuun ushto. Nan Abel pushcohuaitian chashoanfo cushumisi ini. Ascan ahuun ochi Caín mau yonomisi ini.

Génesis 9:20

Ascashon Noé mau huasho nan fimi uva ichapa fanani.