Génesis 3:20 - Sharanahua: Diospan Tsain

²⁰ Ascashu nan Eva nantifi manifotiton aton shuni. Aton uhua cuscara. Ascacun Adán ahuin anuni “Evaran,” huani.

Génesis 3:20 ပူးပေါင်းရင်းမြစ်များ

Génesis 2:23

Ascaiton oinquin Adán yoiquin isca huani, —Diosifin mia uhuun nami yafi uhuun shaohuunoa oni huaquin. Ascacufin un mia ainforan huaicai miafin uhuunoa Diosin oni huaquin, —ishon yoini.

Génesis 3:21

Ascano nocon Ifo Diosin Adán yafi ahuin yoina rutushon ahuun fichi ato sahuuti huashon sahuumani.

Génesis 35:18

Naqui rashquiataima Raquel yoini, —Nan facu ahuun anu Benoni, —ishon yoini. Ascafia apa anuni Benjamín.

Génesis 5:29

Ascashon ahuun facu anuni Noé. Ascano Lamec yoini, —Ifo Diosin mai chacana huani. Ascacun non curushcai noco yonofomaqui orotiro fanafo foaisharanon. Ascan nocon facun yosishon noco cushusharai. Ascacun non anuqui Noéran, —huatiro ishon Lamec yoini.

Éxodo 2:10

Ascano nan facu pishtamano ahuan afanan Faraón facu shomaya inanni. —Naafin uhuun facu cuscaran iquiquin, —ishon Faraón facu shomayaton yoini. Ascano nantian anuni Moisésran huani. —Unfin shihuati murannoa unu cusumunnoa fuchishon nushfiaquin. Ascashofin un anuquin Moisésran huaicai, —ishon yoini.

Mateo 1:21

Ascan nan caianofin anuqui Jesusran min huashquicain. Nantonmain ahuun yorafo chaca soashofain ato numashquiamaiton, —ishon yoini.

Mateo 1:23

Nanfoan cunuquin isca huani, “Nicapon. Ainfo funuoma tsoa afu iyamafiamisi facu nanushquin. Caianno furonanfacu iishquin. Ahuun anufin Emanuel (Onicoinnin tsainman Diosin nofu icaran) ishquiquin,” ishon Dioshuunshon inon pacoai yoimisi cununi.

Hechos 17:26

Diosin nocofunu onihuaquin tau huani. Na nocofunuhuunoashu manifoti caicani. Aafin yononi raquifomain icanicain. Ahuuti farimain itirofoquin arusu fusti tapia.

2 Corintios 11:3

Ascacun un matohuun musui Satanás Eva parani cuscan futsafoan matorifi maton nomuran parapaicani man Jesús afanan tanasharayamafain Cristo fusti man noinonma.

1 Timoteo 2:13

Diosin Adán onihuaquin tau huani. Chipo Evari onihuani.