Génesis 29:32 - Sharanahua: Diospan Tsain

³² Leapan facu nanua furonanfacu cainni. Ascashon Lea yoiquin isca huani, —Nocon Ifoan oinni un fasi un shinanpaiyaiton. Ascacun Dioshuunshon uhuun funun ua facu nanumani. Ascacuraca natia uhuun funun ua noishquin. Uhuun facu anuquin Rubénran, —ishon anuni.

Génesis 29:32 ပူးပေါင်းရင်းမြစ်များ

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Éxodo 3:7

Ascano Diosin afanan yoini isca huaquin, —Uhuun yora Israelifofin mun oianquin fasi omitsiscaifoan Egipciofoan ato curushcain yonomanai cusca fasi atsanai pashapaiyaifoan un oian. Un fasi atohuun ramapaicoian.

Lucas 1:25

Ascashon Isabel shinanquin isca huani, —¡Aicho! Diosihuunshon uhuun funun ua facu nanumana. Diosin ua ashoan. Afin ua nanumapaiyaitian ua facu nanumana. Uhuun ramapaiquin. Asca natiancai afanan uhuunoa yorafoan yoitiroma isca huaquin, “Nacai facuyanacamaran,” ishocai yoitirofomaran, —ishon shinanni.

1 Samuel 1:11

Nan cufiaintian Anapan nocon Ifo Diosi yoini isca huaquin, —Ifo Diosin, min ahuamamishti huatiro. Unfin min oinmatiquin. Un omitsiscai cuscan ua shinanhuun. Ua furonanfacu inanpun. Mian furonanfacu inainton un chipo mia inanshquin mina inon. Nan niyoatian uhuun facu min oinmati ishquin. Ascacun nanfin mina ishquiquin ahuun foocai tustupacunacamaran, —ishon Anapan nocon Ifo Diosi cufinni.

Génesis 42:27

Ascan nan oshaifoanno shon nococashon futsan ahuun forusa fupuni ahuun burro pimashquin. Fupuquin fuchini nan forusa murannoa ahuun pui man nasoan.

Génesis 42:22

Ascaifoan Rubén ato yoini, —Mun mato yoini nocon ushto chaca huayamacahuun. Ascafia man ua nicacasmani. Natian non namani cuscan nocohuun nuucun nocon Diosin nocori onaintimairan, —ishon ato yoini.

Génesis 31:42

Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.

Génesis 37:29

Man iyoafoanno iyoa Rubén chipo nocotan pozo ano funani. Funafiaquicai fuchinima. Ascatan fasi uaiyanan ahuun camisa fashnuqui futsani. Oinmashquin a chipocun fasi noicoin ai.

Génesis 35:22

Nanno ishon Israel nicani ahuun facu Rubén ahua futsa Bilha chotaiton. Tapiashu sinacoinni.

Génesis 29:31

Asca nocon Ifo Diosin oian Jacob ahuun ahuin Lea noisharayamaiton Dioshuunshon Jacob ahuun ahuin Lea facu nanumani. Ascano nantiacai Raquel facu nanutiro inima. Toosma ini.

Génesis 35:23

Jacob ahuin Lea ahuun facufo Rubén nan Jacob ahuun facu iqui tauni. Acachorinoa ahuun puhuua Simeón, acachorinoa Leví acachorinoa Judá chipocun Isacar non ahuun facu chipocucoin Zabulón.