Génesis 29:13 - Sharanahua: Diospan Tsain

¹³ Nicatan Labán Jacob ahuun pia aqui ichoni unimai. Icoacufoan tamo tsoacatan ahuun pushu ano iyoni. Pushu muran nocotan Jacob ahuunoa ato tapimani.

Génesis 29:13 ပူးပေါင်းရင်းမြစ်များ

Génesis 24:29

Nannori Rebeca ahuun ochi Labán. Nan Labán chico yoini cuscan nica pozon ano ichoni Abraham oinmati oin cai.

Romanos 16:16

Nantifi noinancanashu munininantanancahuun. Nantifi Jesús icoinra huafoan ichananshon maifoti anoashon mato yoisharanonfo.

Hechos 20:37

Cufincatan uaiyanan Pablo icoacufoannifo.

Lucas 7:45

Nocon fuyamisi cuscaricai mian uhuun tamo tsoama. Asca na ainfoanfin min pushu muran un iquiaitian uhuun tauqui ua tsoariaiquin.

Éxodo 18:7

Ascatan Moisés atoqui nocoi cani. Ahuun raisiqui nocotan tutipacucahuani. Nan aton fuyamisi cusca Moisés ahuun raisi tamoqui tsoani. Ascatan yoinonansharatan Moisés ahuun pano pushu muran iquifainnifo.

Éxodo 4:27

Ascano nantianri nocon Ifo Diosin Aarón yoini isca huaquin, —Min ushto Moisés tsoa istaipama miqui oiquin aqui nocotahuun, —ishon Diosin Aarón yononi. Ascano nan machi anumisifo Diosin ahuun machiran, huamisifoanno. Nanno Moisésqui Aarón noconi. Nocotan fasi chipocuquin unimacoinquin ahuun tamoqui tsoani.

Génesis 45:15

José nantifi ahuun yorafo icoancufoan uaiquipacuni. Ascatan ahuun yorafoya tsain shara yoinonannifo.

Colosenses 4:5

Ascashon Jesús icoinra huamafo fu icaquin ato ismasharacahuun man ishara cuscan. Ascashon man atoqui nocoaitifi Jesushuunoa yoisharafafaincahuun.

Génesis 24:31

Aqui nocoshon yoini, —Nocon Ifo Diosi mia shara huamisi. ¿Ahuuscai min nuno niamun? Munfin pushu shara huaquin min nanno oshashquin. Min camellofori umainti ano itiro. Nanfohuunshon mun ati shara huaran, —ishon Labán Abraham oinmati yoini.

Génesis 33:4

Ascashon ofiaiton Esaú aqui ichotan icoancufoan tamoqui tsoatoshini. Ascatan uaiquinantanannifo.

Génesis 24:32

Nannori nicatan Labán pushu ano nan oinmati cani. Ahuun camellofo aton catucamaquinoa ahuarafo fotomani racasharanonfo. Fasi yafi ato tushu futsa pimani. Asca huatan unu fitan nan oinmati yafi ahuun yorafo ochocomupacunifo.