Génesis 28:5 - Sharanahua: Diospan Tsain

⁵ Asca huatan Isaac ahuun furu Padán-aram mai ari nichini. Ascan Jacob ahuun coca Labán pushu ari cani. Nan Labán Betuel facu ini. Betuel Arameo ini. Ahuun facu Labán Rebeca ahuun ochi. Rebeca Jacob futan Esaú ahua ini.

Génesis 28:5 ပူးပေါင်းရင်းမြစ်များ

Génesis 22:23

Ascan nan Betuel Rebeca apa. Nantifi nan ocho furufo Milca Abraham ushto inanni.

Génesis 24:54

Ascatan piyanan aqui ayafain ahuun yorafoya nan yamu oshashinifo. Moitan, —Ua nichihuun uhuun ifo Abraham ano un catanon, —ishon Abraham ahuun oinmatinin Labán yafi ahuun yorafo yoini.

Génesis 25:20

Isaac cuarenta fariyashu Rebeca fu fiananni. Rebeca Betuel ahuun facu Labán chico. Nanfo Arameofo Padán-aram mai ano ipaonifo.

Génesis 27:43

Ascacun uhuun facun ua nicahuun. Uhuun ochi Labán icano ichotahuun. Ochi Harán ano icaqui.

Génesis 28:2

Padán-aram min chata Betuel pushu ari catahuun. Nannoashu min coca Labán ahuun facu futsa fu fiananhuun.

Génesis 29:1

Jacob yorafo fari oaiquiri cani.

Génesis 29:12

Ascatan yoini, —Min upafin uhuun yoraquin. Rebecafin uhuun uhuaquin, —ishon yoini. Nicafainicai Raquel apa pushu ari ichoni chanicai.

Génesis 31:24

Nan yamutan Labán ahuun namapan Diosin aqui oshon yoini. —Ua nicasharahuu. Jacob tsain curush yoiyamahuun, —huani.

Génesis 35:27

Ascano Jacob apa Isaac pushu ano noconi. Apa pushu rasi Mamre ano noconi. Mamre anu rafu non fustiya ini. Ahuun anu futsa Arba futsari Hebrón. Nanno Abraham yafi Isaac ipaonifo.