Génesis 28:3 - Sharanahua: Diospan Tsain

³ Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 28:3 ပူးပေါင်းရင်းမြစ်များ

Génesis 1:28

Asca huatan Diosin ato yoisharani, —Isharacain ichapa cai sharacahuun. Nan maitio iishcaquin. Ascano nantifi shimanfo unu murannoa icain puiya nan noyamisifo icain mai anoafo ato ifo icain yoina futsa futsatapafo non mai ano sharatirofo man ato ifo iishcaquin.

Génesis 13:16

Ascan unfi min funafo ichapacoin cai huaicai. Tsoan mai furo tananhuatiroma. Nanscarifi ai chipo min funafori tsoan tanan huatiroma iishquin.

Génesis 17:20

Ascan mian Ismaelhuunoa yoiai cuscan mun nica. Un nanrifi shara huashquin. Ascashon ahuun funafo un ichapacoin imashquin. Doce manifoti ahuun funafoan niaifo uhuapa iishquicani. Ismaelhuunoashuri mani futsa ahuun yorafo ichapacoin iishquicani.

Génesis 24:60

Foafotaima iyoa futan ahuan isca huani, —Chicoshta, min facu ichapa caihuapainon. A mia noicasmaifo min ato finonpainonran, —ishon yoinifo.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 26:4

Un min funafo un ichapa cai huai. Fishifo tsoan tanan huatiroma cuscain ichapa caicani. Nanfofin na mai un ato inaincai. Un yononi cuscan huafain un tapimani cuscan Abraham ua nicacoian. Asca min funafohuunshon un manifoti shara huashoshquicain, —ishon Diosin yoini.

Génesis 27:33

Nicain Isaac fasi mustairini. Ahuun oi tuunyuyu iyanan yoini, —¿Ascano tsoancai ua nami nimurannoa fushoamun un pinon? Min nocoataima mun pia. Un mia yoisharapaiyai cuscan mun ushto yoia. Un yoishara cuscan ai, —huaiton.

Génesis 35:11

—Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 41:52

Ascano chipocun cainyaitian José yoini isca huaquin, —Un nuno Egipcio ano omitsiscafiaiton Diosin ua facufo inan. Ascan uhuun facu chipocuton anu Efraín itiroran, —ishon yoini.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Génesis 48:3

Ascashon Jacob furun José yoini, —Diosin nan ahuamamishti huamisiton pushu rasi ahuun anu Luz Canaán anoshon ua shara huani.

Génesis 48:4

Ua tsain shara yoiquin isca huani, “Ua nicahuun. Un mia facu ichapa inain. Min funafo ichaparasi mani futsafo muran ishcani. Min funafo un ato na mai inain nanno ipanonforan,” ishon ua Diosin yoini.

Génesis 49:25

Min Diosi ahuamamishti huatiro. Nanfin min upa non min shunifoan aton Diosiquin. Nanton mia ahuara ashoshquin. Diosin icanoshon mia shara huafain mai anoshori mia shara huafain min facufori aton ahuafo facu cainmasharafain ato shoma ayamasharashquin.

Génesis 9:1

Ascan Diosin Noé yafi ahuun facufo tsain shara yoiyoni isca huaquin, —Facu ichapa caihuacahuun maitio ano inonfo.

Salmos 127:1

Nocon Ifo Diosin pushu oni huayamaino pushu yonomisifo ipaitsi yonotirofo. Nocon Ifo Diosin pushu rasi cushuyamaino pushu cushumisifori ipaitsi cushutirofo.

Salmos 127:3

Nocon Ifo Diosifin noco facufo inanquin noco shara huashquin.

Éxodo 1:7

Ascafiani aton funafo ichaparasi cainnifo. Egipto mai anoafo Israelifo ichapacoin ipaonifo.

Éxodo 6:3

Min shunifo nan Abraham non Isaac non Jacob unfin uhuunoa ato tapimaniquin. Unfin maton Diosiquin. Un ahuamamishti huatiro. Un ato oinmanai cusca chipo man oin. Ascafiacai un ato uhuun anuhuunoa Uhuun Iforan ishon un ato tapimanataima.

2 Corintios 6:18

Ascatan un maton Upa inon. Man uhuun facu nocofunufo yafi ainfofo inon,” ishon nocon Ifo Diosin yoini. Nan onihuafoti ato iquinaquin.

Apocalipsis 21:22

Ascan nanno Dios fu tsainti pushu yamai. Upa Dios nan ahuamamishti huatiro yafi nocon Ifo Jesús nan chashoan facu cahuan sharashta cuscara Jerusalén funa muran imisifo. Ascacufin yorafo atofu tsainpai pushu yopacanima.