Génesis 28:17 - Sharanahua: Diospan Tsain

¹⁷ Fasi ratucoinni. —Nuno fasi sharacoin. Diosin icanocai ahuara chaca itiroma. Nuno Upa Diosin ahuun pushu cuscaran. Nunoashu nocon Ifo Diosi icano non nocotiroran, —ishon yoini.

Génesis 28:17 ပူးပေါင်းရင်းမြစ်များ

Génesis 28:18

Iyoconaino funanmarishta Jacob funitan nan toquiriqui tucusamua finifoantan nichini. —Nan toquiri oinquin un Dioshuunoa shinantiro. Nunofin uqui Diosin oaquin, —ishon shinanni. Asca huatan shuni toquiri camaqui ocani.

Génesis 28:22

Upa Diosi un na toquiri nichiahuunshon nuno min pushuran ishon un shinantiro. Nan mian inainti pashcatama un mia inain. Un mucu rafuti fiaino mina fusti nitucacaini, —ishon cufinni.

Éxodo 3:5

—Nanno nitunhuun. Afanan nii cuyamamishti shocoa chaimashta oyamahuu. Unfin nunoquin. Mincai ua cuscara sharama. Ascacun min sapato pucahuu un mia yoinon.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Mateo 17:6

Ascaiton nicacani fasi ratucoincani fuopacufoannifo.

Lucas 2:9

Ascaino atoqui nocon Ifoan ahuun oinmati afu nai muran icafo fotoi chashapacucahuani. Faasi funununnoafo Diosihuunshon ato chashariscatani. Ascaino nan chashoanfo cushumisifo fasi ratui futsunifo.

Lucas 8:35

Ascaiton nicacani yorahuanrasi yahua asai futsuaiton oinpaicani funifo. Fucaquin oianfo Jesús naman nocofunu ahuun yoshin chacafo nuumisi tsaoa ini. Man amaquinoa Jesús yoshin chacafo potano. Afananricai imisi cuscan chitoria iyamacain nison inima. Shinansharacoinni.

Hebreos 10:21

Nocon Ifo Jesusfin nocohuunshon Apa Dios cufimisi niaifocoinquin. Ascashu aafin nantifi Diosin yorafoan aton Ifoquin.

1 Pedro 4:17

Ascan nonfin Diospan yorafoquin norifi natian non omitsiscayoi. Non omitsiscaiton nocon Ifo Criston noco yoipai isca huaquin, —¿Uhuun yorashtan ua mian noicoianmun? —ishon noco yocatiro. Ascafia natian non omitsiscafiaiton Upa Diosin tapitiro nonmain Jesús icoinra huacoinnaquin. Chipo nantifi nan maifoti cuyoaitian nan Diospan tsain Jesushuunoa nicacasmamisifo Upa Diosin ato onaintimashqui. Ascan natian norifi non omitsiscayofiashu chipo nan Jesús icoinra huamafo mimacoincani omitsiscapanacafoquin.

Apocalipsis 1:17

Nan ointani un ananman pacua nan naa shinantsai. Ascaiton ahuun mucu mumihuurishon manmainyanan ua yoiquin isca huaa, —Ratuyamahuu. Ahuara oniataima un iyopaoni. Nanscarifiai un ipanaca. Uncai unupacunacama.