Génesis 28:15 - Sharanahua: Diospan Tsain

¹⁵ Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Génesis 28:15 ပူးပေါင်းရင်းမြစ်များ

Génesis 21:20

Ascan nan facu Ismael tsoa istaipama Parán anoashu pushconi. Diosin a fu ica. Pushcoaino piacati fasi tapicoinni. Muquicoinni.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 30:25

Raquelpan facu José caiano Jacob Labánqui cani yoicai, —Un cainni mai ano ua nichihuun.

Génesis 31:13

Min Betel ano toquiri putsainishon ua cufinni. Nannori min yoini min ua tanasharashquin. Ascan natian min coca mai anoashu cariscatahuun. Min cainni ano nasoriscahuun,” —ishon ua yoia, Jacob yoini.

Génesis 31:3

Ascacun Upa Diosin Jacob yoiquin isca huani, —Min upan mai ari nasohuun. Nanno min yorafoquin. Min caitian un mi fu cairan, —ishon yoini.

Génesis 31:5

Aqui fuafoan ato yoini, —Mun oian min upa natian uqui shinanchacai. Upancai ua shara huapaoni cuscan afanan ua huaima. Ascafiacai uhuun upa ahuun Diosin ua potamisima.

Génesis 32:9

Chipo Upa Dios cufinni isca huaquin, —Uhuun Ifo Diosin, uhuun shota Abraham yafi uhuun upa Isaac min aton Diosiri. Uhuun raisi mai anoashu un cataima mian yoia, “Mia ichapa inainran,” mian huani.

Génesis 35:3

Man ascahuano non Betel ari cai. Un omitsiscanitian un Upa Diosi cufinni. Un cufiain cuscan ua nicaquin ua numani. Un anoashu caacun ua cushusharani. Ascan nanno un toquiri putsashquin anoshon afanan Upa Dios cufinshquinran, —ishon ato yoini.

Génesis 39:2

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Génesis 46:4

Min caino un mi fu cai. Chipo fari futsan min funafo un afanan nuno ato nasomashquin. Ascan min Egipcio ariashu min naashquin. Min naitian min facu José mi fu iishquinran, —ishon Diosin Jacob yoini.

Génesis 48:16

Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

Génesis 48:21

Ascashon Israel ahuun facu José yoini isca huaquin, —Upa, ua nicahuun. Mun samamashta nai. Ascafia Diosin mi fu ipanaca. Mia non min funafori min shunifo ipaoni ano mato iyoshquin.

Salmos 46:11

Ascacun afanan shinancahuun. Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi.

Salmos 46:7

Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi. Nanfohuunoa shinancahuun.

Salmos 91:11

Nocon Ifo Diosin ahuun oinmatifo nan a fu nai muran icafo matoqui nichishquin mato cushunon. Man raquira futsa caiton mato cushushquin.

Éxodo 13:11

Ascano nocon Ifo Diosin nocon shunifo yoiyoni cusca Cananeofoan aton mai noco inain. Ascacun nan mai ano icaitian Diosin noco yonoa cusca ointiaquimayamacahuun. Maton furun iyoafofo man Diosi inain ato amapaiyai cusca anonfo. Nantifi mato inapan facu iyoa funufori ahuuna iishquiquin. Nanscacun ointiaquimayamacahuun.

Éxodo 3:12

—Unfin mi fu ishquicai. Min caifo Israelifo Egipcio mai anoshon iyoaitian nan machi Horeb anoshon man ua cufinshquinon. Ascashon min tapitiro un mia ya min yorafo nan Israelifo ano nichiaran, —ishon yoiaiton.

Números 6:24

“Nocon Ifo Diosin mato sharahuafain mato cushusharai matohuunoari shinansharafain matohuun ramapaicain mato furi icacaini. Ascano Upa Diosin maton nomuran unimamasharairan,” ishon ato yoihuun.

Mateo 18:20

Ascashu rafu iyamarai rafu non fusti yora ua icoinra huashu ichanainfoanno urifi un atofu ichanainran, —ishon Jesús noco yoini.

Mateo 24:35

Ascaino nai yafi mai cuyoshquin. Uhuun tsain cayacafi iconcoin fiananancai apanacama. Un mato yoiai cuscacoin aashquin.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Deuteronomio 31:6

Nocon Ifo Diosin mato fu cai matocai potapacunacama mato fu icacainshquin. Ascano nocon Ifo Diosin ahuun curushhuunshon mato amapaiyai cusca huafafaincahuun. “Nocon Ifo Diosin noco yonoa cusca non huatiroran,” ishon shinancahuun. Nan caifo futsafoqui musuyamacain atoqui ratui taritariyamacahuun, —ishon Moisés ato yoini.

1 Timoteo 4:8

Non ejercicio huaino noco caya non shara huatiro mutsisipa iishquin. Nanscarifiai non Dios cuscara ipaiquin ahuun tsain nocon nomuran non nanuaiton ahuun curushu noco inanshquin. Nancaifin shara finacoianquin. Natian noco shara huatiro. Ascashon non Jesusqui nocoaiton noco imasharapacunaca.

Josué 1:5

Min niyoaitiancai tsoan mia nitu huatiroma. Un Moisés fu imisi cuscan un mi fu ipanaca. Uncai mia potapacunacama. Nan mian yopaitian un mi fu iishquin.

Judas 1:1

Uhuun yoramishtichin unquian Judas un mato cunu fomai. Unfin Jesucristo ahuun yonomatiquin. Un Santiago ahuun ushto. Nocon Upa Diosin matohuun noiquin mato catonni. Ascan nocon Ifo Jesucristo mato cushufafaini.